سیدنا عبداللہ بن عباس رضی اللہ عنہما بیان کرتے ہیں کہ نبی اکرم صلی اللہ علیہ وسلم کی اقتدا میں ایک انتہائی خوب صورت عورت نماز ادا کیا کرتی تھی، تو حاضرین میں سے بعض لوگ پہلی صف میں کھڑے ہوا کرتے تھے تاکہ وہ اسے نہ دیکھ سکیں اور بعض حضرات پچھلی صف میں کھڑے ہوا کرتے تھے تاکہ جب رکوع میں جائیں، تو اپنی بغل کے نیچے سے اسے دیکھ لیں، تو اللہ تعالیٰ نے اس بارے میں یہ آیت نازل کی: ﴿اور ہم تم میں سے آگے ہونے والوں کو بھی جانتے ہیں اور پیچھے ہونے والوں کو بھی جانتے ہیں﴾ [سورة الحجر: 24] ۔ [صحیح ابن حبان/كِتَابُ البِرِّ وَالإِحْسَانِ/حدیث: 401]