سیدنا انس رضی اللہ عنہ بیان کرتے ہیں کہ ایک یہودی نے نبی اکرم صلی اللہ علیہ وسلم اور آپ کے اصحاب کو سلام کرتے ہوئے «السَّامُ عَلَيْكَ» ”آپ لوگوں کو موت آئے“ کہا، تو نبی اکرم صلی اللہ علیہ وسلم نے دریافت فرمایا: ”کیا تم یہ بات جانتے ہو اس نے کیا کہا ہے؟“ لوگوں نے عرض کی: جی ہاں! اس نے ہمیں سلام کیا ہے۔ نبی اکرم صلی اللہ علیہ وسلم نے فرمایا: ”جی نہیں، اس نے «السَّامُ عَلَيْكَ» یعنی ”تمہارا دین کمزور ہو“ کہا ہے، تو جب اہل کتاب میں سے کوئی شخص تمہیں (اس طرح سے) سلام کرے، تو تم یہ کہو: «وَعَلَيْكَ» ”اور تم پر بھی ایسا ہی ہو“۔“ [صحیح ابن حبان/كِتَابُ البِرِّ وَالإِحْسَانِ/حدیث: 503]