سیدنا ابوہریرہ رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا: ”کوئی بھی شخص اپنے پڑوسی کو اپنی دیوار میں شہتیر لگانے سے ہرگز منع نہ کرے۔“ ابن رمح کہتے ہیں: میں نے لیث کو یہ بیان کرتے ہوئے سنا ہے: امام مالک کے حوالے سے منقول ہمارے پاس یہ پہلی اور آخری روایت ہے۔ (امام ابن حبان رحمہ اللہ فرماتے ہیں: لیث کا یہ کہنا کہ امام مالک کے حوالے سے منقول ہمارے پاس یہ پہلی اور آخری روایت ہے، اس میں اس بات کی دلیل موجود ہے کہ وہ روایت جسے قراد نے لیث کے حوالے سے، امام مالک کے حوالے سے، زہری، عروہ اور سیدہ عائشہ رضی اللہ عنہا کے حوالے سے روایت کیا ہے، جس میں غلاموں کا حصہ ہے، وہ ایک جھوٹی روایت ہے، جس کی کوئی حقیقت نہیں ہے)۔ [صحیح ابن حبان/كِتَابُ البِرِّ وَالإِحْسَانِ/حدیث: 515]