سیدنا جابر بن عبداللہ رضی اللہ عنہا بیان کرتے ہیں: نبی اکرم صلی اللہ علیہ وسلم ہمیں استخارہ کی تعلیم اسی طرح دیا کرتے تھے جس طرح آپ ہمیں قرآن کی تعلیم دیتے تھے آپ یہ فرماتے تھے۔ ”جب بھی کوئی شخص کسی کام کو کرنے کا ارادہ کرے، تو پہلے دو رکعات نفل ادا کرے پھر وہ یہ دعا مانگے۔“ ”اے اللہ! میں تیرے علم کے ذریعے تجھ سے بھلائی طلب کرتا ہوں اور تیری قدرت کے ذریعے تجھ سے صلاحیت طلب کرتا ہوں تیرے عظیم فضل کا تجھ سے سوال طلب کرتا ہوں، تو قدرت رکھتا ہے میں قدرت نہیں رکھتا، تو علم رکھتا ہے اور میں علم نہیں رکھتا، تو غیوب کا بہت زیادہ علم رکھنے ولا ہے۔ اے اللہ! اگر، تو یہ بات جانتا ہے، تو یہ کام، یہاں وہ اس کام کا نام لے میرے دین میری زندگی اور میرے حق میں آخرت کے حوالے سے بہتر ہے۔ تو اسے میرے لئے مقدر کر دے۔ اسے میرے لئے آسان کر دے اس میں برکت رکھ دے اور اگر یہ میرے دین میری آخرت میری زندگی اور میری عاقبت کے حوالے سے میرے حق میں برا ہے، تو پھر اسے مجھ سے پھیر دے اور میرے لئے بھلائی کو مقدر کر دے، خواہ وہ جہاں کہیں بھی ہو اور مجھے اس سے راضی کر دے۔“ [صحیح ابن حبان/كِتَابُ الرَّقَائِقِ/حدیث: 887]