سیدنا ابن عباس رضی اللہ عنہما بیان کرتے ہیں کہ نبی اکرم صلی اللہ علیہ وسلم سیدنا امام حسن رضی اللہ عنہ اور سیدنا امام حسین رضی اللہ عنہ کو یہ پڑھ کر دم کیا کرتے تھے: «أُعِيذُكُمَا بِكَلِمَاتِ اللهِ التَّامَّةِ، مِنْ كُلِّ شَيْطَانٍ وَهَامَّةٍ، وَمِنْ كُلِّ عَيْنٍ لَامَّةٍ» ”میں ہر شیطان، تکلیف دہ چیز اور لگنے والی نظر (کے شر سے بچانے کے لیے) تم دونوں کو اللہ تعالیٰ کے مکمل کلمات کی پناہ میں دے رہا ہوں۔“ آپ صلی اللہ علیہ وسلم یہ فرماتے تھے: ”تمہارے جدِ امجد (سیدنا ابراہیم علیہ السلام) بھی ان کلمات کے ذریعے سیدنا اسماعیل علیہ السلام اور سیدنا اسحاق علیہ السلام کو دم کیا کرتے تھے۔“ [صحیح ابن حبان/كِتَابُ الرَّقَائِقِ/حدیث: 1013]