سیدنا ابوحمید ساعدی رضی اللہ عنہ یا شاید سیدنا ابواسید ساعدی رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا ہے: ”جب کوئی شخص مسجد آئے، تو اسے یہ پڑھنا چاہیے: «اللَّهُمَّ افْتَحْ لِي أَبْوَابَ رَحْمَتِكَ» ”اے اللہ! تو میرے لیے اپنی رحمت کے دروازے کھول دے۔“ اور جب وہ باہر جائے، تو اسے یہ پڑھنا چاہیے: «اللَّهُمَّ إِنِّي أَسْأَلُكَ مِنْ فَضْلِكَ» ”اے اللہ! میں تجھ سے تیرے فضل کا سوال کرتا ہوں۔۔““ [صحیح ابن حبان/كِتَابُ الصَّلَاةِ/حدیث: 2049]