سیدنا جابر بن عبداللہ رضی اللہ عنہما بیان کرتے ہیں: ایک شخص کھڑا ہوا اور اس نے فجر کی دو رکعات (سنت) ادا کیں، اس نے پہلی رکعت میں سورہ کافرون کی تلاوت کی یہاں تک کہ اس سورۃ کو مکمل طور سے پڑھا تو نبی اکرم صلی اللہ علیہ وسلم نے ارشاد فرمایا: ”اس بندے نے پروردگار کی معرفت حاصل کر لی ہے“، اس نے دوسری رکعت میں سورہ اخلاص کی تلاوت کی اور اس سورہ کو بھی پورا پڑھا تو نبی اکرم صلی اللہ علیہ وسلم نے ارشاد فرمایا: ”یہ بندہ اپنے پروردگار پر ایمان لے آیا ہے“، طلحہ نامی راوی کہتے ہیں: میں اس بات کو مستحب قرار دیتا ہوں کہ ان دو رکعات میں یہ دو سورتیں تلاوت کی جائیں۔ [صحیح ابن حبان/كِتَابُ الصَّلَاةِ/حدیث: 2460]