سیدنا عبداللہ بن عمر رضی اللہ عنہما بیان کرتے ہیں: ”میں ایک ماہ تک نبی اکرم صلی اللہ علیہ وسلم کی نماز کا جائزہ لیتا رہا، آپ فجر سے پہلے کی دو رکعات (سنت) میں سورہ کافرون اور سورہ اخلاص کی تلاوت کرتے تھے۔“ (امام ابن حبان رحمہ اللہ فرماتے ہیں:) ابو احمد زبیری محمد بن عبداللہ اسدی نے یہ روایت ثوری، اسرائیل اور شریک سے بھی سنی ہے جو ابواسحاق کے حوالے سے منقول ہے، تو ایک مرتبہ انہوں نے اس راوی سے نقل کر دیا، دوسری مرتبہ دوسرے سے نقل کر دیا اور تیسری مرتبہ اس سے نقل کر دیا۔ [صحیح ابن حبان/كِتَابُ الصَّلَاةِ/حدیث: 2459]