یعلیٰ مملک بیان کرتے ہیں کہ انہوں نے نبی اکرم صلی اللہ علیہ وسلم کی زوجہ محترمہ سیدہ ام سلمہ رضی اللہ عنہا سے نبی اکرم صلی اللہ علیہ وسلم کی رات کی (نفل) نماز کے بارے میں دریافت کیا، تو سیدہ ام سلمہ رضی اللہ عنہا نے بتایا کہ نبی اکرم صلی اللہ علیہ وسلم عشاء کی نماز ادا کرتے تھے، پھر آپ تسبیح پڑھتے رہتے تھے، پھر اس کے بعد رات کے وقت جب اللہ کو منظور ہوتا تھا نماز ادا کرتے رہتے تھے، پھر آپ نماز ختم کر کے اتنی ہی دیر کے لیے سو جاتے تھے جتنی دیر آپ نماز ادا کرتے رہے تھے، پھر آپ اپنی اس نیند سے بیدار ہو کر اتنی دیر نماز ادا کرتے رہتے تھے جتنی دیر سوئے رہتے تھے، یہاں تک کہ آپ کی آخری نماز صبح صادق تک جاری رہتی تھی۔ [صحیح ابن حبان/كِتَابُ الصَّلَاةِ/حدیث: 2639]