سیدنا سہل بن سعد رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا ہے: ”میری امت اس وقت تک میری سنت پر گامزن رہے گی جب تک وہ افطاری کے لیے ستاروں (کے نکلنے) کا انتظار نہیں کرے گی۔“ راوی بیان کرتے ہیں کہ نبی اکرم صلی اللہ علیہ وسلم نے جب روزہ رکھا ہوا ہوتا تھا، تو آپ صلی اللہ علیہ وسلم کسی شخص کو یہ ہدایت کرتے تھے، وہ کسی بلند چیز پر چڑھ کر دیکھتا تھا، جب وہ یہ بتا دیتا کہ سورج غروب ہو گیا ہے، تو نبی اکرم صلی اللہ علیہ وسلم افطاری کر لیتے تھے۔ [صحیح ابن حبان/كِتَابُ الصَّوْمِ/حدیث: 3510]