سیدنا جابر رضی اللہ عنہ بیان کرتے ہیں کہ نبی اکرم صلی اللہ علیہ وسلم نے رمضان کے مہینے میں سفر کیا، آپ صلی اللہ علیہ وسلم کے اصحاب میں سے ایک صاحب کے لیے روزہ رکھنا دشواری کا باعث ہو گیا اور اس کی اونٹنی اسے لے کر ایک درخت کے سائے میں چلی گئی، نبی اکرم صلی اللہ علیہ وسلم کو اس بارے میں بتایا گیا تو آپ صلی اللہ علیہ وسلم نے اسے روزہ ختم کرنے کا حکم دیا، پھر نبی اکرم صلی اللہ علیہ وسلم نے ایک برتن منگوایا جس میں پانی موجود تھا، آپ صلی اللہ علیہ وسلم نے اسے اپنے ہاتھ میں لیا، جب لوگوں نے آپ صلی اللہ علیہ وسلم کو دیکھ لیا کہ آپ صلی اللہ علیہ وسلم نے پانی پی لیا ہے، تو لوگوں نے بھی پانی پی لیا، (اور روزہ ختم کر دیا)۔ [صحیح ابن حبان/كِتَابُ الصَّوْمِ/حدیث: 3565]