محمد بن ابوبکر ثقفی بیان کرتے ہیں کہ انہوں نے سیدنا انس بن مالک رضی اللہ عنہ سے سوال کیا، اور یہ دونوں اس وقت منیٰ سے عرفہ کی طرف جا رہے تھے (سوال یہ تھا) کہ آج کے دن آپ لوگوں نے نبی اکرم صلی اللہ علیہ وسلم کے ہمراہ کیا کیا تھا؟ انہوں نے بتایا کہ منیٰ میں تلبیہ پکارنے والا تلبیہ پکار رہا تھا تو اس پر کوئی انکار نہیں کیا گیا اور تکبیر کہنے والا (تکبیر کہہ رہا تھا) تو اس پر بھی کوئی انکار نہیں کیا گیا۔ [صحیح ابن حبان/كِتَابُ الحَجِّ/حدیث: 3847]