سیدنا عبداللہ رضی اللہ عنہ کے بارے میں یہ بات منقول ہے کہ وہ ہر جمعرات کے دن لوگوں کو وعظ کیا کرتے تھے۔ ایک صاحب نے عرض کی: میری یہ خواہش ہے کہ آپ روزانہ ہمیں وعظ کیا کریں، تو سیدنا عبداللہ رضی اللہ عنہ نے فرمایا: میں صرف اس اندیشے کے تحت یہ کام نہیں کرتا کہ کہیں میں تمہیں اکتاہٹ کا شکار نہ کر دوں، نبی اکرم صلی اللہ علیہ وسلم بھی ہمیں وقفے وقفے سے وعظ کیا کرتے تھے اس اندیشے کے تحت کہ کہیں ہم اکتا نہ جائیں۔ [صحیح ابن حبان/كِتَابُ السِّيَرِ/حدیث: 4524]