نافع بیان کرتے ہیں: ایک مرتبہ سیدنا عبداللہ بن عمر رضی اللہ عنہما تشریف لے گئے۔ ان کے ہمراہ ہم بھی روانہ ہو گئے یہاں تک کہ ہم سیدنا رافع بن خدیج رضی اللہ عنہ کے پاس آئے تو سیدنا عبداللہ بن عمر رضی اللہ عنہما نے ان سے کہا: مجھے یہ بات پتہ چلی ہے آپ نبی اکرم صلی اللہ علیہ وسلم کے حوالے سے یہ بات نقل کرتے ہیں: نبی اکرم صلی اللہ علیہ وسلم نے کھیت کو کرائے پر دینے سے منع کیا ہے۔ سیدنا رافع نے جواب دیا: جی ہاں۔ اس کے بعد سیدنا عبداللہ بن عمر رضی اللہ عنہما سے جب بھی اس بارے میں دریافت کیا جاتا تو وہ یہ کہتے: سیدنا رافع بن خدیج رضی اللہ عنہ نے ہمیں یہ حدیث بیان کی ہے نبی اکرم صلی اللہ علیہ وسلم نے کھیت کو کرائے پر دینے سے منع کیا ہے۔ [صحیح ابن حبان/كِتَابُ المُزَارَعَةِ/حدیث: 5194]