احمد بن سنان بیان کرتے ہیں: میں نے عبدالرحمن بن مہدی سے دریافت کیا، میں نے کہا: اے ابوسعید! ”نبی اکرم صلی اللہ علیہ وسلم پردے میں موجود کنواری لڑکیوں سے زیادہ حیا والے تھے۔“ انہوں نے جواب دیا: جی ہاں، اس نوعیت کے سوال کرو، اس نوعیت کے سوال کرو؛ شعبہ نے قتادہ کے حوالے سے، عبداللہ بن ابوعتبہ کے حوالے سے سیدنا ابوسعید خدری رضی اللہ عنہ کا یہ بیان نقل کیا ہے: ”نبی اکرم صلی اللہ علیہ وسلم پردے میں موجود کنواری لڑکیوں سے زیادہ حیا والے تھے، جب آپ کو کوئی چیز ناپسند آتی تھی، تو اس کا اثر ہمیں آپ کے چہرے پر محسوس ہو جاتا تھا۔“ [صحیح ابن حبان/كِتَابُ التَّارِيخِ/حدیث: 6307]