سعد بن ابراہیم بیان کرتے ہیں: میں نے اپنے والد کو یہ بیان کرتے ہوئے سنا ہے کہ سیدنا عبدالرحمن بن عوف رضی اللہ عنہ کے پاس کھانا لایا گیا، انہوں نے روزہ رکھا ہوا تھا، انہوں نے رونا شروع کر دیا اور بولے: سیدنا حمزہ رضی اللہ عنہ کو جب شہید کیا تو انہیں کفن دینے کے لیے صرف ایک کپڑا ملا تھا۔ سیدنا مصعب بن عمیر رضی اللہ عنہ کو شہید کیا گیا تو انہیں کفن دینے کے لیے صرف ایک کپڑا ملا تھا، مجھے یہ اندیشہ ہے کہ اب ہمیں نعمتیں ہماری دنیاوی زندگی میں ہی مل جائیں گی، اس کے بعد انہوں نے رونا شروع کر دیا۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7018]