سیدنا ابوموسیٰ اشعری رضی اللہ عنہ سے روایت ہے کہ ان کے پاس طاعون کا ذکر چھڑا، تو ابوموسیٰ نے فرمایا: ہم نے رسول اللہ صلی اللہ علیہ وسلم سے اس کے بارے میں سوال کیا تھا تو آپ صلی اللہ علیہ وسلم نے فرمایا: ”یہ تمہارے (غائب) بھائیوں - یا فرمایا: تمہارے دشمنوں - یعنی جنات کی طرف سے کچوکا لگانا ہے، اور یہ تمہارے لیے شہادت کا درجہ ہے۔“
یہ حدیث امام مسلم کی شرط پر صحیح ہے لیکن ان دونوں نے اسے روایت نہیں کیا۔ ابو عوانہ نے اسے ابو بلج سے اسی طرح روایت کیا ہے: [المستدرك على الصحيحين/كِتَابُ الْإِيمَانِ/حدیث: 159]

سیدنا ابوموسیٰ عبداللہ بن قیس رضی اللہ عنہ سے روایت ہے کہ نبی کریم صلی اللہ علیہ وسلم نے طاعون کے متعلق اسی طرح (جنات کا کچوکا ہونا) ارشاد فرمایا۔ [المستدرك على الصحيحين/كِتَابُ الْإِيمَانِ/حدیث: 160]