سیدنا عبداللہ بن ابی اوفی رضی اللہ عنہ نے بیان کیا کہ میرے والد ان لوگوں میں سے تھے جنہوں نے (بیعت رضوان کے موقع پر) درخت کے نیچے بیعت کی تھی، اور نبی کریم صلی اللہ علیہ وسلم کے ہاں جب بھی کوئی قوم اپنی زکوٰۃ لے کر آتی تھی تو آپ صلی اللہ علیہ وسلم انہیں دعا دیتے تھے: «اللَّهُمَّ صَلِّ عَلَى آلِ فُلَانٍ» ”اے اللہ! آل فلاں پر اپنی رحمت نازل فرما (اور انہیں برکت دے)“ میرے والد بھی اپنی زکوٰۃ لے کر آپ صلی اللہ علیہ وسلم کی خدمت میں پہنچے تو آپ صلی اللہ علیہ وسلم نے فرمایا: «اللَّهُمَّ صَلِّ عَلَى آلِ أَبِي أَوْفَى» ”اے اللہ! آل ابی اوفی پر اپنی رحمت نازل فرما (اور انہیں برکت دے)۔“ [سنن ابي داود/كِتَاب الزَّكَاةِ/حدیث: 1590]