سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس شخص نے سونے کے لیے بستر پر لیٹتے وقت یہ کہا: «الْحَمْدُ لِلَّهِ الَّذِي كَفَانِي وَآوَانِي، الْحَمْدُ لِلَّهِ الَّذِي أَطْعَمَنِي وَسَقَانِي، الْحَمْدُ لِلَّهِ الَّذِي مَنَّ عَلَيَّ فَأَفْضَلَ، اللَّهُمَّ إِنِّي أَسْأَلُكَ بِعِزَّتِكَ أَنْ تُنَجِّيَنِي مِنَ النَّارِ» ”تمام تعریفیں اس اللہ کے لیے ہیں جس نے مجھے کافی ہوا اور مجھے ٹھکانا دیا، تمام تعریفیں اس اللہ کے لیے ہیں جس نے مجھے کھلایا اور پلایا، تمام تعریفیں اس اللہ کے لیے ہیں جس نے مجھ پر احسان کیا اور بہت زیادہ عطا فرمایا، اے اللہ! میں تیری عزت کے واسطے سے تجھ سے سوال کرتا ہوں کہ تو مجھے آگ سے نجات عطا فرما“، تو اس نے تمام مخلوقات کی تمام تر تعریفوں کے ساتھ اللہ کی حمد بیان کر دی۔“
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 2024]