سیدنا ابواسحاق رضی اللہ عنہ روایت کرتے ہیں کہ مزینہ قبیلے کے ایک شخص کا بیان ہے کہ رسول اللہ صلی اللہ علیہ وسلم نے ایک آدمی کو سنا جو کہ اپنے پوشیدہ لفظ (کوڈورڈ) میں ” یا حرام یا حرام “ پکار رہا تھا، رسول اللہ صلی اللہ علیہ وسلم بولے: (وہ لفظ مت بولو بلکہ کہو) ” یاحلال یا حلال “۔ ٭٭ یہ حدیث ارسال کے باوجود شیخین رحمۃ اللہ علیہما کے معیار پر صحیح ہے اور محمد بن کثیر نے ثوری کے واسطے سے روایت کرتے ہوئے جس راوی کا نام ذکر نہیں کیا تھا وہ عبداللہ بن مغفل مزنی ہیں۔ [المستدرك على الصحيحين/كِتَابُ: الْجِهَادِ/حدیث: 2550]

اس سند کے ہمراہ سیدنا عبداللہ بن المغفل رضی اللہ عنہ سے بھی رسول اللہ صلی اللہ علیہ وسلم کا مذکورہ فرمان جیسا ارشاد منقول ہے۔ [المستدرك على الصحيحين/كِتَابُ: الْجِهَادِ/حدیث: 2551]