محمد بن عمر اپنے شیوخ کے حوالے سے فرماتے ہیں: ابودجانہ کا نام ” سماک بن خرشہ بن لوذان بن عبدود بن زید بن ثعلبہ بن خزرج “ ہے۔ رسول اللہ صلی اللہ علیہ وسلم نے ان کو اور سیدنا عتبہ بن غزوان رضی اللہ عنہما کو بھائی بھائی بنایا تھا۔ سیدنا ابودجانہ رضی اللہ عنہ جنگ بدر اور احد میں شریک ہوئے اور اس دن رسول اللہ صلی اللہ علیہ وسلم کے ہمراہ ثابت قدم رہے۔ اور رسول اللہ صلی اللہ علیہ وسلم کے دست اقدس پر موت کی بیعت کی۔ آپ جنگ یمامہ میں شریک ہوئے اور مسیلمہ کو قتل کرنے والی جماعت میں یہ بھی شامل تھے۔ سیدنا ابودجانہ رضی اللہ عنہ اسی دن (جنگ یمامہ میں) شہید ہوئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5087]