سیدنا ابوسعید خدری رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: مہدی ہمارے اہل بیت میں سے ہو گا، اس کی ناک اونچی ہو گی، شرم و حیاء کا پیکر ہو گا، ماتھے سے اگلی جانب سے بال اڑے ہوئے ہوں گے، وہ زمین کو عدل و انصاف سے بھر دے گا جیسا کہ اس سے پہلے وہ ظلم و ستم سے بھری گئی ہو گی، وو یوں زندگی گزارے گا، یہ کہتے ہوئے حضور صلی اللہ علیہ وسلم نے اپنا بایاں ہاتھ پھیلایا اور شہادت والی انگلی کے ساتھ والی دو انگلیاں انگوٹھے کے ساتھ ملا کر تین کا عدد بنایا۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8883]

ام المومنین سیدہ ام سلمہ رضی اللہ عنہا بیان کرتی ہیں کہ نبی اکرم صلی اللہ علیہ وسلم نے مہدی کا ذکر کرتے ہوئے فرمایا: جی ہاں، وہ برحق ہے اور وہ فاطمہ کی اولاد میں سے ہو گا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8884]