عبدالرحمٰن بن طرفہ رحمہ اللہ نے بیان کیا کہ ”معرکہ کلاب میں میرے دادا عرفجہ بن اسعد رضی اللہ عنہ کی ناک کٹ گئی تھی، تو انہوں نے چاندی کی بنوائی، مگر اس میں بو پڑ گئی، تو نبی کریم صلی اللہ علیہ وسلم نے انہیں حکم دیا تو انہوں نے سونے کی ناک بنوا لی۔“ [سنن ابي داود/كِتَاب الْخَاتَمِ/حدیث: 4232]

یزید بن ہارون اور ابوعاصم دونوں نے کہا: ہمیں ابوالاشہب نے بواسطہ عبدالرحمٰن بن طرفہ سے، انہوں نے عرفجہ بن اسعد رضی اللہ عنہ سے مذکورہ بالا کے ہم معنی روایت کیا۔ یزید نے کہا کہ میں نے ابوالاشہب سے پوچھا: ”کیا عبدالرحمٰن بن طرفہ نے اپنے دادا عرفجہ کو پایا تھا؟“ انہوں نے کہا: ”ہاں۔“ [سنن ابي داود/كِتَاب الْخَاتَمِ/حدیث: 4233]

عبدالرحمٰن بن طرفہ نے عرفجہ بن اسعد سے، انہوں نے اپنے والد (سیدنا عرفجہ بن اسعد رضی اللہ عنہ) سے بیان کیا کہ ”عرفجہ (کی ناک کٹ گئی تھی) مذکورہ بالا کے ہم معنی روایت کیا۔“ [سنن ابي داود/كِتَاب الْخَاتَمِ/حدیث: 4234]