🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:

54. بَابٌ فِيمَنْ حَلَقَ رَأْسَهُ لِعِلَّةٍ .
جو شخص کسی علت کی وجہ سے اپنا سر مونڈوا لے
اظهار التشكيل
حدیث نمبر: 5439
عَنْ كَعْبِ بْنِ عُجْرَةَ أَنَّهُ أَصَابَهُ دَاءٌ فِي رَأْسِهِ، فَسَأَلَ النَّبِيَّ صَلَّى اللَّهُ عَلَيْهِ وَسَلَّمَ:" بِمَاذَا أَنْسَكُ؟". فَأَمَرَهُ أَنْ يُهْدِيَ هَدْيًا يُقَلِّدُهَا، ثُمَّ يَسُوقُهَا حَتَّى يُوقِفَهَا بِعَرَفَةَ مَعَ النَّاسِ، ثُمَّ يَدْفَعُ بِهَا مَعَ النَّاسِ (وَكَذَلِكَ يَفْعَلُ بِالْهَدْيِ) .
رَوَاهُ الطَّبَرَانِيُّ فِي الْكَبِيرِ، وَفِيهِ رَجُلٌ لَمْ يُسَمَّ.
سیدنا کعب بن عجرہ رضی اللہ عنہ بیان کرتے ہیں: انہیں سر میں ایک تکلیف لاحق ہو گئی انہوں نے نبی اکرم صلی اللہ علیہ وسلم سے دریافت کیا: میں کس طرح قربانی کروں؟ نبی اکرم صلی اللہ علیہ وسلم نے انہیں حکم دیا کہ وہ قربانی کا ایک جانور فراہم کریں، جس کے گلے میں وہ ہار ڈالیں اور پھر اسے ہانک دیں، یہاں تک کہ اسے لوگوں کے ساتھ عرفہ میں ٹھہرائیں، پھر وہ اسے لوگوں کے ہمراہ بھجوا دیں، آپ بھی قربانی کے جانور کے ساتھ اسی طرح کرتے تھے)۔
یہ روایت امام طبرانی نے معجم کبیر میں نقل کی ہے۔ اس کی سند میں ایک راوی ایسا ہے، جس کا نام بیان نہیں کیا گیا ہے۔ [مجمع الزاوئد ومنبع الفوائد/كِتَابُ الْحَجِّ/حدیث: 5439]
تخریج الحدیث: «اخرجه الطبراني فى المعجم الكبير (163/19)»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 5440
وَعَنْ كَعْبِ بْنِ عُجْرَةَ قَالَ: آذَانِي هَوَامُّ رَأْسِي، فَأَتَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فَسَأَلْتُهُ عَنْ ذَلِكَ؟ فَأَنْزَلَ اللَّهُ جَلَّ ذِكْرُهُ: فَمَنْ كَانَ مِنْكُمْ مَرِيضًا أَوْ بِهِ أَذًى مِنْ رَأْسِهِ فَفِدْيَةٌ مِنْ صِيَامٍ أَوْ صَدَقَةٍ أَوْ نُسُكٍ فَدَعَانِي رَسُولُ اللَّهِ صَلَّى اللَّهُ عَلَيْهِ وَسَلَّمَ فَقَالَ:" هَلْ عِنْدَكَ فَرَقٌ تُقَسِّمُهُ بَيْنَ سِتَّةِ مَسَاكِينَ - وَالْفَرَقُ: ثَلَاثَةُ آصُعٍ - أَوْ نُسُكٌ: شَاةٌ أَوْ صَوْمُ ثَلَاثَةِ أَيَّامٍ؟". فَقُلْتُ: يَا رَسُولَ اللَّهِ، خِرْ لِي. قَالَ:" أَطْعِمْ سِتَّةَ مَسَاكِينَ".
قُلْتُ: هُوَ فِي الصَّحِيحِ بِاخْتِصَارٍ.
رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ عُبَيْدِ اللَّهِ الْعَرْزَمِيُّ، وَهُوَ مَتْرُوكٌ.
سیدنا کعب بن عجرہ رضی اللہ عنہ بیان کرتے ہیں: میرے سر کی جوئیں مجھے پریشان کر رہی تھیں۔ میں نبی اکرم صلی اللہ علیہ وسلم کی خدمت میں حاضر ہوا۔ میں نے نبی اکرم صلی اللہ علیہ وسلم سے اس بارے میں دریافت کیا تو اللہ تعالیٰ نے یہ آیت نازل کر دی: ”تم میں سے جو شخص بیمار ہو جائے یا اسے سر میں کوئی تکلیف ہو، تو اس کا فدیہ روزے کی شکل میں ہو گا، یا صدقے کی شکل میں ہو گا یا قربانی کی شکل میں ہو گا“۔ نبی اکرم صلی اللہ علیہ وسلم نے مجھے بلوایا اور ارشاد فرمایا: کیا تمہارے پاس ایک فرق (یعنی اناج کا مخصوص پیمانہ) ہے؟ اسے تم چھ مسکینوں میں تقسیم کر دو راوی کہتے ہیں: فرق تین صاع کا ہوتا ہے، (نبی اکرم صلی اللہ علیہ وسلم نے فرمایا:) یا پھر قربانی میں ایک بکری قربان کر دو یا تین دن کے روزے رکھ لو میں نے عرض کی: یا رسول اللہ! آپ میرے لئے کسی ایک کو مقرر کر دیں، تو نبی اکرم صلی اللہ علیہ وسلم نے فرمایا: تم چھ مسکینوں کو کھانا کھلا دو۔
(علامہ ہیثمی فرماتے ہیں:) میں یہ کہتا ہوں: یہ روایت ”صحیح“ میں اختصار کے ساتھ منقول ہے۔
یہ روایت امام طبرانی نے معجم کبیر میں نقل کی ہے۔ اس کی سند میں ایک راوی محمد بن عبیداللہ عرزمی ہے، اور وہ متروک ہے۔ [مجمع الزاوئد ومنبع الفوائد/كِتَابُ الْحَجِّ/حدیث: 5440]
تخریج الحدیث: «اخرجه الطبراني فى المعجم الكبير (157/19)»

الحكم على الحديث:
ضعیف جداً
مزید تخریج الحدیث شرح دیکھیں