🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:

31. بَابُ الْكَلَامِ بِالْحَقِّ عِنْدَ الْأَئِمَّةِ .
حکمرانوں کے سامنے حق بات کرنا
اظهار التشكيل
حدیث نمبر: 9164
عَنْ عَبْدِ اللَّهِ بْنِ مَسْعُودٍ قَالَ: إِنَّهَا سَتَكُونُ عَلَيْكُمْ أُمَرَاءُ يَدَعُونَ مِنَ السُّنَّةِ مِثْلَ هَذِهِ، فَإِنْ تَرَكْتُمُوهَا جَعَلُوهَا مِثْلَ هَذِهِ، فَإِنْ تَرَكْتُمُوهَا جَاؤُوا بِالطَّامَّةِ الْكُبْرَى.
رَوَاهُ الطَّبَرَانِيُّ وَرِجَالُهُ ثِقَاتٌ.
سیدنا عبداللہ بن مسعود رضی اللہ عنہ فرماتے ہیں: ”عنقریب تم پر ایسے حکمران آئیں گے، جو سنت کو اتنا چھوڑ دیں گے، تو اگر تم نے اُسے چھوڑ دیا، تو وہ اس کو اس کی مانند بنا دیں گے، اور اگر تم نے اسے ترک کر دیا، تو وہ زیادہ بڑی مصیبت لے آئیں گے“۔
یہ روایت امام طبرانی نے نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كِتَابُ الْخِلَافَةِ/حدیث: 9164]
تخریج الحدیث: «اخرجه الطبراني فى المعجم الكبير (9497)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 9165
وَعَنْ عُمَرَ اللَّيْثِيِّ قَالَ: كَانَ فِي نَفْسِي مَسْأَلَةٌ قَدْ أَحْزَنَتْنِي لَمْ أَسْأَلْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَنْهَا، وَلَمْ أَسْمَعْ أَحَدًا يَسْأَلُهُ عَنْهَا، فَكُنْتُ أَتَحَيَّنُهُ، فَدَخَلْتُ ذَاتَ يَوْمٍ وَهُوَ يَتَوَضَّأُ، فَوَافَقْتُهُ عَلَى حَالَتَيْنِ كُنْتُ أُحِبُّ أَنْ أُوَافِقَهُ عَلَيْهِمَا، وَجَدْتُهُ فَارِغًا طَيِّبَ النَّفْسِ فَقُلْتُ: يَا رَسُولَ اللَّهِ ائْذَنْ لِي أَنْ أَسْأَلَكَ؟ قَالَ:" سَلْ عَمَّا بَدَا لَكَ". قُلْتُ: يَا رَسُولَ اللَّهِ مَا الْإِيمَانُ؟ قَالَ:" الصَّبْرُ وَالسَّمَاحَةُ" قُلْتُ: فَأَيُّ الْمُؤْمِنِينَ أَفْضَلُهُمْ إِيمَانًا؟ قَالَ:" أَحْسَنُهُمْ خُلُقًا". قُلْتُ: فَأَيُّ الْمُسْلِمِينَ أَفْضَلُهُمْ إِسْلَامًا؟ قَالَ:" مَنْ سَلِمَ النَّاسُ مِنْ يَدِهِ وَلِسَانِهِ". قُلْتُ: فَأَيُّ الْجِهَادِ أَفْضَلُ؟ فَطَأْطَأَ رَأْسَهُ فَصَمَتَ طَوِيلًا حَتَّى خِفْتُ أَنْ أَكُونَ قَدْ شَقَقْتُ عَلَيْهِ، وَتَمَنَّيْتُ أَنِّي لَمْ أَكُنْ سَأَلْتُهُ وَقَدْ سَمِعْتُهُ يَقُولُ بِالْأَمْسِ:" إِنَّ أَعْظَمَ النَّاسِ فِي الْمُسْلِمِينَ جُرْمًا لَمَنْ سَأَلَ عَنْ شَيْءٍ لَمْ يُحَرَّمْ عَلَيْهِمْ فَحُرِّمَ مِنْ أَجْلِ مَسْأَلَتِهِ". فَقُلْتُ: أَعُوذُ بِاللَّهِ مِنْ غَضَبِ اللَّهِ وَغَضَبِ رَسُولِهِ فَرَفَعَ رَأْسَهُ فَقَالَ:" كَيْفَ قُلْتَ؟". قُلْتُ: أَيُّ الْجِهَادِ أَفْضَلُ؟ قَالَ:" كَلِمَةُ عَدْلٍ عِنْدَ إِمَامٍ جَائِرٍ".
رَوَاهُ الطَّبَرَانِيُّ، وَفِيهِ بَكْرُ بْنُ خُنَيْسٍ، وَهُوَ ضَعِيفٌ.
قُلْتُ: وَتَأْتِي أَحَادِيثُ مِنْ نَحْوِ هَذَا فِي إِنْكَارِ الْمُنْكَرِ فِي الْفِتَنِ إِنْ شَاءَ اللَّهُ.
سیدنا عمر لیثی رضی اللہ عنہ بیان کرتے ہیں: میرے ذہن میں ایک مسئلہ تھا، جس نے مجھے غمگین کیا ہوا تھا کہ میں نے اس کے بارے میں نبی اکرم صلی اللہ علیہ وسلم سے کیوں دریافت نہیں کیا، اور میں نے کسی کو نبی اکرم صلی اللہ علیہ وسلم سے اس کے بارے میں دریافت کرتے ہوئے سنا بھی نہیں، میں کسی مناسب موقع کی تلاش میں تھا، ایک مرتبہ میں آپ صلی اللہ علیہ وسلم کی خدمت میں حاضر ہوا، آپ اس وقت وضو کر رہے تھے، میں نے آپ کو دو حوالوں سے ایسی صورتحال میں پایا کہ میری خواہش تھی کہ مجھے وہ صورتحال نصیب ہو جاتی، میں نے آپ کو پایا کہ آپ کو فراغت حاصل تھی، اور آپ کا مزاج خوشگوار تھا، میں نے عرض کی: یا رسول اللہ! آپ مجھے اجازت دیجئے کہ میں آپ سے ایک سوال کروں، نبی کرم صلی اللہ علیہ وسلم نے فرمایا تمہیں جو مناسب لگتا ہے تم پوچھ لو! میں نے عرض کی: یا رسول اللہ! ایمان کیا ہے؟ نبی اکرم نے ارشاد فرمایا: صبر اور نرمی، میں نے دریافت کیا: اہل ایمان میں، ایمان کے حوالے سے کون زیادہ فضیلت رکھتا ہے؟ آپ صلی اللہ علیہ وسلم نے فرمایا: جس کے اخلاق زیادہ اچھے ہوں، میں نے دریافت کیا: مسلمانوں میں کون، اسلام کے حوالے سے زیادہ فضیلت رکھتا ہے؟ آپ صلی اللہ علیہ وسلم نے فرمایا: جس کے ہاتھ اور زبان سے لوگ محفوظ ہوں، میں نے دریافت کیا: کون سا جہاد زیادہ فضیلت رکھتا ہے؟ آپ نے اپنا سر جھکا لیا اور خاصی دیر خاموش رہے، یہاں تک کہ مجھے یہ اندیشہ ہوا کہ شاید میں نے آپ صلی اللہ علیہ وسلم کو ناگواری کا شکار کر دیا ہے، میری یہ آرزو ہوئی کہ میں نے آپ سے سوال نہ کیا ہوتا، کیونکہ اُس سے پہلے میں آپ صلی اللہ علیہ وسلم کو یہ بات ارشاد فرماتے ہوئے سن چکا تھا: ”مسلمانوں میں سب سے زیادہ گناہ، اس شخص کو ہوتا ہے جو کسی ایسی چیز کے بارے میں دریافت کرے، جو ان لوگوں پر حرام نہ تھی اور اُس شخص کے دریافت کرنے کی وجہ سے، وہ چیز حرام ہو جائے“ تو میں نے یہ کہا: میں اللہ تعالیٰ کے غضب اور اُس کے رسول صلی اللہ علیہ وسلم کے غضب سے، اللہ کی پناہ مانگتا ہوں، پھر نبی اکرم نے اپنا سر اٹھایا اور ارشاد فرمایا: تم نے کیا کہا: تھا؟ میں نے عرض کی: کون سا جہاد زیادہ فضیلت رکھتا ہے؟ نبی اکرم نے ارشاد فرمایا: ”ظالم حکمران کے سامنے، عدل (یعنی حق) کی بات کہنا“۔
یہ روایت امام طبرانی نے نقل کی ہے، اس کی سند میں ایک راوی بکر بن خنیس ہے اور وہ ضعیف ہے۔ (علامہ ہیثمی فرماتے ہیں:) میں یہ کہتا ہوں: اس نوعیت کی کچھ احادیث، فتنوں سے متعلق باب میں، منکر کا انکار کرنے سے متعلق باب میں آئیں گی، اگر اللہ نے چاہا۔ [مجمع الزاوئد ومنبع الفوائد/كِتَابُ الْخِلَافَةِ/حدیث: 9165]
تخریج الحدیث: «اخرجه الطبراني فى المعجم الكبير (47/17)، أخرجه المستدرك على الصحيحين برقم: 6687»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 9166
وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" يَا أَبَا هُرَيْرَةَ لَا تَدْخُلَنَّ عَلَى الْأُمَرَاءِ فَإِنْ غُلِبْتَ عَلَى ذَلِكَ فَلَا تُجَاوِزْ سُنَّتِي، وَلَا تَخَافَنَّ سَيْفَهُمْ وَسَوْطَهُمْ أَنْ تَأْمُرَهُمْ بِتَقْوَى اللَّهِ".
رَوَاهُ الطَّبَرَانِيُّ فِي الْأَوْسَطِ وَفِيهِ عَبْدُ الرَّحْمَنِ بْنُ زَيْدِ بْنِ أَسْلَمَ وَهُوَ ضَعِيفٌ.
سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”اے ابوہریرہ! تم حکمرانوں کے پاس نہ جانا اور اگر کبھی تم مجبور ہو جاؤ، تو میری سنت سے تجاوز نہ کرنا، اور ان کی تلوار اور ان کے کوڑے سے، اس حوالے سے خوفزدہ نہ ہونا کہ تم انہیں اللہ کا تقویٰ اختیار کرنے کا حکم دو“
یہ روایت امام طبرانی نے معجم اوسط میں نقل کی ہے، اس کی سند میں ایک راوی عبدالرحمن بن زید بن اسلم ہے اور وہ ضعیف ہے۔ [مجمع الزاوئد ومنبع الفوائد/كِتَابُ الْخِلَافَةِ/حدیث: 9166]
تخریج الحدیث: «أخرجه المعجم الأوسط للطبراني برقم: 229»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 9167
وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" مَنْ حَضَرَ إِمَامًا فَلْيَقُلْ خَيْرًا أَوْ لِيَسْكُتْ".
رَوَاهُ الطَّبَرَانِيُّ فِي الْأَوْسَطِ، وَفِيهِ صَالِحُ بْنُ مُحَمَّدِ بْنِ زِيَادٍ وَثَّقَهُ أَحْمَدُ وَغَيْرُهُ وَضَعَّفَهُ جَمَاعَةٌ، وَبَقِيَّةُ رِجَالِهِ رِجَالُ الصَّحِيحِ.
سیدنا عبداللہ بن عمر رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ”جو شخص حکمران کے پاس موجود ہو، وہ بھلائی کی بات کہے، یا پھر خاموش رہے“۔
یہ روایت امام طبرانی نے معجم اوسط میں نقل کی ہے، اس کی سند میں ایک راوی صالح بن محمد بن زیاد ہے، اسے امام أحمد اور دیگر حضرات نے ثقہ قرار دیا ہے اور ایک جماعت نے اسے ضعیف کہا: ہے، اس کے بقیہ رجال صحیح کے رجال ہیں۔ [مجمع الزاوئد ومنبع الفوائد/كِتَابُ الْخِلَافَةِ/حدیث: 9167]
تخریج الحدیث: «أخرجه المعجم الأوسط للطبراني برقم: 5944»

الحكم على الحديث:
إسنادہ ضعیف
مزید تخریج الحدیث شرح دیکھیں