🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:

11. بَابُ الْهِجْرَةِ إِلَى الْمَدِينَةِ
مدینہ منورہ کی طرف ہجرت کرنا
اظهار التشكيل
حدیث نمبر: 9912
وَعَنْ فَائِدٍ مَوْلَى عَبَادِلَ قَالَ: خَرَجْتُ مَعَ إِبْرَاهِيمَ بْنِ عَبْدِ الرَّحْمَنِ بْنِ عَبْدِ اللَّهِ بْنِ أَبِي رَبِيعَةَ، فَأَرْسَلَ إِبْرَاهِيمُ بْنُ عَبْدِ الرَّحْمَنِ إِلَى ابْنِ سَعْدٍ حَتَّى إِذَا كُنَّا بِالْعَرْجِ أَتَانَا ابْنُ سَعْدٍ، وَسَعْدٌ الَّذِي دَلَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَلَى طَرِيقِ رَكُوبِهِ، فَقَالَ إِبْرَاهِيمُ: أَخْبِرْنِي مَا حَدَّثَكَ أَبُوكَ، قَالَ ابْنُ سَعْدٍ: حَدَّثَنِي أَبِي أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَتَاهُمْ وَمَعَهُ أَبُو بَكْرٍ، وَكَانَتْ لِأَبِي بَكْرٍ عِنْدَنَا بِنْتٌ مُسْتَرْضَعَةٌ، وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَرَادَ الِاخْتِصَارَ فِي الطَّرِيقِ إِلَى الْمَدِينَةِ، فَقَالَ لَهُ سَعْدٌ: هَذَا الْغَائِرُ مِنْ رَكُوبِهِ، وَبِهِ لِصَّانِ مِنْ أَسْلَمَ يُقَالُ لَهُمَا: الْمُهَانَانِ، فَإِنْ شِئْتَ أَخَذْنَا عَلَيْهِمَا، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -:" خُذْ بِنَا عَلَيْهِمَا"، قَالَ سَعْدٌ: فَخَرَجْنَا حَتَّى إِذَا أَشْرَفْنَا إِذَا أَحَدُهُمَا يَقُولُ لِصَاحِبِهِ: هَذَا الْيَمَانِيُّ، فَدَعَاهُمَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَعَرَضَ عَلَيْهِمَا الْإِسْلَامَ، فَأَسْلَمَا ثُمَّ سَأَلَهُمَا عَنْ أَسْمَائِهِمَا، فَقَالَا: نَحْنُ الْمُهَانَانِ قَالَ:" بَلْ أَنْتُمَا الْمُكَرَّمَانِ". وَأَمَرَهُمَا أَنْ يَقْدَمَا عَلَيْهِ الْمَدِينَةَ فَخَرَجْنَا حَتَّى إِذَا أَتَيْنَا ظَاهِرَ قُبَاءَ فَتَلَقَّى بَنُو عَمْرِو بْنِ عَوْفٍ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -:" أَيْنَ أَبُو أُمَامَةَ أَسْعَدُ بْنُ زُرَارَةَ؟". فَقَالَ سَعْدُ بْنُ خَيْثَمَةَ: إِنَّهُ قَدْ أَصَابَ قَبْلِي يَا رَسُولَ اللَّهِ أَفَلَا أُخْبِرَهُ بِكَ؟ ثُمَّ مَضَى حَتَّى إِذَا طَلَعَ عَلَى النَّخْلِ فَإِذَا الشَّرْبُ مَمْلُوءٌ، فَالْتَفَتَ النَّبِيُّ - صَلَّى اللَّهُ عَلَيْهِ وَسَلَّمَ - إِلَى أَبِي بَكْرٍ فَقَالَ:" يَا أَبَا بَكْرٍ هَذَا الْمَنْزِلُ رَأَيْتُنِي أَنْزِلُ إِلَى حِيَاضٍ كَحِيَاضِ بَنِي مُدْلِجٍ". رَوَاهُ عَبْدُ اللَّهِ بْنُ أَحْمَدَ. وَابْنُ سَعْدٍ اسْمُهُ عَبْدُ اللَّهِ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.
فائد، جو عبادل کے غلام ہیں، وہ بیان کرتے ہیں: میں ابراہیم بن عبدالرحمن بن عبداللہ بن ابوربیعہ کے ساتھ نکلا، ابراہیم بن عبدالرحمن نے ابن سعد کو پیغام بھیجا (اور بلوایا) جب ہم ”عرج“ کے مقام پر تھے، تو ابن سعد ہمارے پاس تشریف لائے، سعد وہ صاحب ہیں، جنہوں نے (ہجرت کے دوران مدینہ منورہ) کے راستے کے بارے میں نبی اکرم صلی اللہ علیہ وسلم کو بتایا تھا، ابراہیم بن عبدالرحمن نے ان سے کہا: آپ ہمیں یہ بتائیے کہ جو آپ کے والد نے آپ کو روایت بیان کی ہے، تو ابن سعد نے بتایا کہ میرے والد نے مجھے یہ بات بتائی ہے: ”نبی اکرم صلی اللہ علیہ وسلم ان لوگوں کے پاس تشریف لائے، نبی اکرم صلی اللہ علیہ وسلم کے ساتھ سیدنا ابوبکر رضی اللہ عنہ بھی تھے، سیدنا ابوبکر رضی اللہ عنہ کی ایک دودھ پیتی بچی ہمارے علاقے میں دودھ پی رہی تھی، نبی اکرم صلی اللہ علیہ وسلم مدینہ منورہ کی طرف مختصر راستے سے جانا چاہ رہے تھے، تو سعد نے آپ کی خدمت میں گزارش کی: یہ راستہ سہولت والا ہے، لیکن یہاں اسلم قبیلے سے تعلق رکھنے والے دو چور ہوتے ہیں، جن کا نام ”مہانان“ (یعنی دو بے عزت لوگ) ہے، اگر آپ چاہیں تو ہم اس راستے سے چلے جاتے ہیں، نبی اکرم صلی اللہ علیہ وسلم نے فرمایا: تم اُسی طرف سے چلو! سعد کہتے ہیں: ہم وہاں سے نکلے، جب ہم وہاں پہنچے، تو ان میں سے ایک نے اپنے ساتھی سے کہا: یہ یمانی ہے، نبی اکرم صلی اللہ علیہ وسلم نے ان دونوں کو بلوایا، اُن دونوں کے سامنے اسلام رکھا، تو ان دونوں نے اسلام قبول کر لیا، نبی اکرم صلی اللہ علیہ وسلم نے ان سے اُن کے نام کے بارے میں دریافت کیا: تو ان دونوں نے جواب دیا: ہم ”مہانان“ (دو بے عزت لوگ) ہیں، نبی اکرم صلی اللہ علیہ وسلم نے فرمایا: جی نہیں! بلکہ تم دو معزز افراد ہو، پھر نبی اکرم صلی اللہ علیہ وسلم نے ان دونوں کو یہ ہدایت کی کہ وہ دونوں مدینہ منورہ میں، نبی اکرم صلی اللہ علیہ وسلم کی خدمت میں حاضر ہوں پھر ہم وہاں سے نکلے، یہاں تک کہ ہم قباء پہنچ گئے، بنو عمرو بن عوف نے نبی اکرم صلی اللہ علیہ وسلم کا استقبال کیا، نبی اکرم صلی اللہ علیہ وسلم نے دریافت کیا: ابوامامہ اسعد بن زرارہ کہاں ہے؟ سعد بن خیثمہ نے عرض کی: یا رسول اللہ! وہ مجھ سے پہلے پہنچ گئے تھے، کیا میں انہیں آپ کے بارے میں نہ بتاؤں؟ پھر وہ چلتے رہے، یہاں تک کہ وہ کھجوروں کے باغات کے پاس آئے، تو وہاں پانی موجود تھا، نبی اکرم صلی اللہ علیہ وسلم نے سیدنا ابوبکر رضی اللہ عنہ کی طرف رخ کیا اور ارشاد فرمایا: اے ابوبکر! میری پڑاؤ کی یہ وہ جگہ ہے، جو میں نے خواب میں دیکھی تھی کہ میں ایسے حوض کے پاس پڑاؤ کروں گا، جو بنومدلج کے حوضوں کی مانند ہو گے“۔
یہ روایت عبداللہ بن أحمد نے نقل کی ہے، ابن سعد کا نام عبداللہ ہے، میں اُس سے واقف نہیں ہوں، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9912]
تخریج الحدیث: «أخرجه مسند أحمد برقم: 16250»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 9913
وَعَنْ أَسْمَاءَ بِنْتِ أَبِي بَكْرٍ قَالَتْ: لَمَّا خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَخَرَجَ أَبُو بَكْرٍ مَعَهُ احْتَمَلَ أَبُو بَكْرٍ مَعَهُ مَالَهُ كُلَّهُ، وَكَانَ خَمْسَةَ آلَافِ دِرْهَمٍ أَوْ سِتَّةَ آلَافِ دِرْهَمٍ فَانْطَلَقَ بِهَا مَعَهُ، قَالَتْ: فَدَخَلَ عَلَيْنَا جَدِّي أَبُو قُحَافَةَ، وَقَدْ ذَهَبَ بَصَرُهُ، فَقَالَ: وَاللَّهِ إِنِّي لَأَرَاهُ قَدْ فَجَعَكُمْ بِمَالِهِ مَعَ نَفْسِهِ، قَالَتْ: قُلْتُ: كَلَّا يَا أَبَتِ، قَدْ تَرَكَ لَنَا خَيْرًا كَثِيرًا، قَالَتْ: فَأَخَذْتُ أَحْجَارًا فَجَعَلْتُهَا فِي كُوَّةٍ فِي الْبَيْتِ كَانَ أَبِي يَجْعَلُ فِيهَا مَالَهُ، ثُمَّ جَعَلْتُ عَلَيْهَا ثَوْبًا ثُمَّ أَخَذْتُ بِيَدِهِ، فَقُلْتُ: ضَعْ يَا أَبَتِ يَدَكَ عَلَى هَذَا الْمَالِ، قَالَتْ: فَوَضَعَ يَدَهُ عَلَيْهِ، فَقَالَ: لَا بَأْسَ إِنْ كَانَ تَرَكَ لَكُمْ هَذَا لَقَدْ أَحْسَنَ، وَفِي هَذَا لَكُمْ بِلَاغٌ، قَالَتْ: وَلَا وَاللَّهِ مَا تَرَكَ لَنَا شَيْئًا، وَلَكِنْ أَرَدْتُ أَنْ أُسْكِنَ الشَّيْخَ بِذَلِكَ. رَوَاهُ أَحْمَدُ، وَالطَّبَرَانِيُّ، وَرِجَالُ أَحْمَدَ رِجَالُ الصَّحِيحِ غَيْرَ ابْنِ إِسْحَاقَ وَقَدْ صَرَّحَ بِالسَّمَاعِ.
سیدہ اسماء بنت ابوبکر رضی اللہ عنہما بیان کرتی ہیں: جب نبی اکرم صلی اللہ علیہ وسلم نکلے، آپ کے ساتھ سیدنا ابوبکر رضی اللہ عنہ بھی نکلے، سیدنا ابوبکر رضی اللہ عنہ نے اپنا سارا مال ساتھ لے لیا، جو پانچ ہزار درہم، یا شاید چھ ہزار درہم بنتے تھے، وہ اس رقم کو اپنے ساتھ لے گئے، سیدہ اسماء رضی اللہ عنہا بیان کرتی ہیں: ہمارے دادا سیدنا ابوقحافہ رضی اللہ عنہ ہمارے ہاں تشریف لائے، اُن کی بینائی رخصت ہو چکی تھی، انہوں نے کہا: اللہ کی قسم! ابوبکر کے بارے میں میرا یہ خیال ہے کہ وہ تم لوگوں کو چھوڑ کر سارا مال لے کر اپنے ساتھ لے گیا ہو گا، میں نے کہا: ہرگز نہیں! دادا جان، انہوں نے ہمارے لئے بہت سی بھلائی چھوڑی ہے، سیدہ اسماء رضی اللہ عنہا بیان کرتی ہیں: میں نے کچھ پتھر لئے اور انہیں گھر میں موجود تھیلی میں ڈال دیا جس میں میرے والد اپنا مال رکھا کرتے تھے، پھر میں نے اس پر کپڑ ڈالا پھر اسے اپنے ہاتھ میں لیا اور میں نے کہا: اے دادا جان آپ اپنا ہاتھ اس مال پر رکھیں، سیدہ اسماء رضی اللہ عنہا کہتی ہیں انہوں نے اپنا ہاتھ اس مال پر رکھا اور پھر بولے: اگر اس نے تمہارے لئے اتنی رقم چھوڑی ہے، تو پھر اس میں کوئی حرج نہیں ہے، اس نے یہ اچھا کیا ہے، اس سے تمہاری ضروریات پوری ہو جائیں گی، سیدہ اسماء رضی اللہ عنہا کہتی ہیں: اللہ کی قسم! انہوں نے ہمارے لئے کچھ نہیں چھوڑا تھا، لیکن میں یہ چاہتی تھی کہ اس طرح بزرگوار کو مطمئن کر دوں۔
یہ روایت امام أحمد اور امام طبرانی نے نقل کی ہے، امام أحمد کے رجال صحیح کے رجال ہیں، ابن اسحاق کا معاملہ مختلف ہے اور اس نے سماع کی صراحت کی ہے۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9913]
تخریج الحدیث: «اخرجه الطبراني فى المعجم الكبير (88/24) اخرجه احمد فى المسند (350/6)»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 9914
وَعَنْ أَنَسِ بْنِ مَالِكٍ قَالَ: لَمَّا هَاجَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَرْكَبُ، وَأَبُو بَكْرٍ رِدْفُهُ، وَأَبُو بَكْرٍ يَعْرِفُ فِي الطَّرِيقِ لِاخْتِلَافِهِ بِالشَّامِ فَكَانَ يَمُرُّ بِالْقَوْمِ، فَيَقُولُونَ: مَنْ هَذَا بَيْنَ يَدَيْكَ؟ فَيَقُولُ: هَذَا يَهْدِينِي، فَلَمَّا دَنَا مِنَ الْمَدِينَةِ بَعَثَ إِلَى الْقَوْمِ الَّذِينَ أَسْلَمُوا مِنَ الْأَنْصَارِ إِلَى أَبِي أُمَامَةَ وَأَصْحَابِهِ، فَخَرَجُوا إِلَيْهِمَا، فَقَالُوا: ادْخُلَا آمِنِينَ مُطَاعِينَ، فَدَخَلَا - فَذَكَرَ الْحَدِيثَ -. رَوَاهُ أَحْمَدُ، وَرِجَالُهُ رِجَالُ الصَّحِيحِ.
سیدنا انس بن مالک رضی اللہ عنہ بیان کرتے ہیں: جب نبی اکرم صلی اللہ علیہ وسلم نے ہجرت کی، تو نبی اکرم صلی اللہ علیہ وسلم سوار تھے، سیدنا ابوبکر رضی اللہ عنہ آپ کے پیچھے بیٹھے ہوئے تھے، سیدنا ابوبکر رضی اللہ عنہ راستے سے واقف تھے، کیونکہ وہ شام آتے جاتے رہتے تھے، وہ جب بھی لوگوں کے پاس سے گزرتے تھے، تو وہ لوگ یہ دریافت کرتے تھے: یہ آپ کے آگے کون ہے؟ تو سیدنا ابوبکر رضی اللہ عنہ جواب دیتے تھے: یہ میری رہنمائی کر رہے ہیں، جب وہ مدینہ منورہ کے قریب پہنچے، تو نبی اکرم صلی اللہ علیہ وسلم نے انصار سے تعلق رکھنے والے مسلمانوں کو پیغام بھیجا، یعنی سیدنا ابوامامہ رضی اللہ عنہ اور ان کے ساتھیوں کو پیغام بھیجا، تو یہ حضرات نکل کر ان دونوں کی طرف آئے اور انہوں نے گزارش کی: آپ دونوں صاحبان ایسی حالت میں داخل ہوں کہ آپ محفوظ بھی ہوں اور آپ کی اطاعت بھی کی جائے، تو یہ دونوں حضرات (اس علاقے میں) داخل ہو گئے۔۔۔ اس کے بعد راوی نے پوری حدیث ذکر کی ہے۔
یہ روایت امام أحمد نے نقل کی ہے اور اس کے رجال صحیح کے رجال ہیں۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9914]
تخریج الحدیث: «اخرجه ابو يعلى فى المسند (3486) اخرجه احمد فى المسند (122/3)، أخرجه مسند أحمد برقم: 11825»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 9915
وَعَنْ صُهَيْبٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" أَرَأَيْتَ دَارَ هِجْرَتِكُمْ سَبْخَةً بَيْنَ ظَهْرَانَيْ حَرَّةَ، فَإِمَّا أَنْ تَكُونَ هَجَرَ، وَإِمَّا أَنْ تَكُونَ يَثْرِبَ".
قَالَ: وَخَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى الْمَدِينَةِ وَخَرَجَ مَعَهُ أَبُو بَكْرٍ، وَكُنْتُ قَدْ هَمَمْتُ أَنْ أَخْرُجَ مَعَهُ، وَصَدَّنِي فِتْيَانٌ مِنْ قُرَيْشٍ، فَجَعَلْتُ لَيْلَتِي تِلْكَ أَقُومُ وَلَا أَقْعُدُ، فَقَالُوا: قَدْ شَغَلَهُ اللَّهُ عَنْكُمْ بِبَطْنِهِ، وَلَمْ أَكُنْ شَاكِيًا، فَنَامُوا، فَخَرَجْتُ فَلَحِقَنِي مِنْهُمْ نَاسٌ بَعْدَ مَا سِرْتُ يُرِيدُونَ رَدِّي، فَقُلْتُ لَهُمْ: هَلْ لَكُمْ أَنْ أُعْطِيَكُمْ أَوَاقَ مِنْ ذَهَبٍ وَحُلَّةً سِيَرَاءَ بِمَكَّةَ، وَتُخَلُّونَ سَبِيلِي وَتُوَثِّقُونَ لِي، فَفَعَلُوا فَتَبِعْتُهُمْ إِلَى مَكَّةَ، فَقُلْتُ: احْفِرُوا تَحْتَ أُسْكُفَّةِ الْبَابِ، فَإِنَّ تَحْتَهَا الْأَوَاقَ، وَاذْهَبُوا إِلَى فُلَانَةَ بِآيَةِ كَذَا وَكَذَا فَخُذُوا الْحُلَّتَيْنِ، وَخَرَجْتُ حَتَّى قَدِمْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قِبَاءً قَبْلَ أَنْ يَتَحَوَّلَ مِنْهَا فَلَمَّا رَآنِي قَالَ:" يَا أَبَا يَحْيَى، رَبِحَ الْبَيْعُ" ثَلَاثًا. فَقُلْتُ: يَا رَسُولَ اللَّهِ، مَا سَبَقَنِي إِلَيْكَ أَحَدٌ، وَمَا أَخْبَرَكَ إِلَّا جِبْرِيلُ - صَلَّى اللَّهُ عَلَيْهِ وَسَلَّمَ -. رَوَاهُ الطَّبَرَانِيُّ، وَفِيهِ جَمَاعَةٌ لَمْ أَعْرِفْهُمْ.
قُلْتُ: وَلِصُهَيْبٍ حَدِيثٌ آخَرُ سَهَوْتُ عَنْهُ يَأْتِي فِي آخِرِ هَذَا الْبَابِ.
سیدنا صہیب رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”میرا خیال ہے تم لوگوں کی ہجرت کی جگہ، ایک شوریدہ زمین ہے، جو دو طرف موجود پتھریلے علاقے کے درمیان ہے یا تو یہ ”حجر“ ہو گا یا ”یثرب“ ہو گا“۔ راوی بیان کرتے ہیں: جب نبی اکرم صلی اللہ علیہ وسلم مدینہ منورہ کی طرف نکلنے لگے، تو آپ کے ساتھ سیدنا ابوبکر رضی اللہ عنہ بھی تھے، میرا بھی یہ ارادہ تھا کہ میں آپ کے ساتھ نکلوں گا، لیکن قریش کے کچھ نوجوانوں نے مجھے روک لیا، اس رات میں بار بار اٹھتا رہا، میں بیٹھا نہیں ان لوگوں نے یہ کہا: اس کے پیٹ کی وجہ سے اللہ تعالیٰ نے اسے تم لوگوں سے مشغول کر دیا ہے، حالانکہ میں بیمار نہیں تھا، پھر وہ لوگ سو گئے، تو میں نکلا میرے روانہ ہونے کے بعد ان میں سے کچھ لوگ آ کر مجھ سے ملے، وہ مجھے واپس لے جانا چاہ رہے تھے، میں نے ان سے کہا: کیا تم اس بات میں دلچسپی رکھتے ہو؟ کہ میں سونے کے کچھ اوقیہ اور مکہ میں موجود سیرائی حلہ تمہیں دے دوں؟ اور تم لوگ میرا راستہ چھوڑ دو، ان لوگوں نے یہ بات مان لی، تو میں ان کے پیچھے مکہ تک آیا، میں نے کہا: تم دروازے کی چوکھٹ کے نیچے سے کھدائی کرو، ان کے نیچے اوقیہ موجود ہیں، اور تم فلاں عورت کے پاس فلاں نشانی لے کے جاؤ اور اس سے دو حلے لے لینا، پھر میں وہاں سے نکلا، یہاں تک کہ قباء میں نبی اکرم صلی اللہ علیہ وسلم کی خدمت میں حاضر ہوا، یہ آپ کے وہاں سے منتقل ہونے سے پہلے کی بات ہے جب آپ نے مجھے ملاحظہ فرمایا، تو آپ نے تین مرتبہ ارشاد فرمایا: اے ابویحیی! منافع کا سودا کیا ہے (یعنی تم نے ان لوگوں کو سونا اور حلے دے کر جو اپنا پیچھا کرنے سے روک دیا ہے) میں نے عرض کی: یا رسول اللہ! مجھ سے پہلے کوئی آپ تک نہیں پہنچا (جو آپ کو اس بارے میں بتاتا، تو) آپ کو سیدنا جبرائیل علیہ السلام نے اس بارے میں بتایا ہو گا۔
یہ روایت امام طبرانی نے نقل کی ہے، اس کی سند میں راویوں کی ایک جماعت ایسی ہے، جن سے میں واقف نہیں ہوں۔ (علامہ ہیثمی فرماتے ہیں:) میں یہ کہتا ہوں: سیدنا صہیب رضی اللہ عنہ کے حوالے سے ایک اور حدیث منقول ہے جسے میں بھول گیا تھا وہ اس باب کے آخر میں آئے گی۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9915]
تخریج الحدیث: «اخرجه الطبراني فى المعجم الكبير (7296)، أخرجه المعجم الكبير للطبراني برقم: 7296»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 9916
وَعَنِ الْبَرَاءِ قَالَ: كَانَ أَوَّلَ مَنْ قَدِمَ عَلَيْنَا مِنَ الْمُهَاجِرِينَ مُصْعَبُ بْنُ عُمَيْرٍ أَخِي بَنِي عَبْدِ الدَّارِ بْنِ قُصَيٍّ، فَقُلْتُ لَهُ: مَا فَعَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -؟ قَالَ: هُوَ مَكَانُهُ، وَأَصْحَابُهُ عَلَى أَثَرِي. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.
سیدنا براء رضی اللہ عنہ بیان کرتے ہیں مہاجرین میں سے ہمارے پاس سب سے پہلے سیدنا معصب بن عمیر رضی اللہ عنہ تشریف لائے جن کا تعلق بنو عبدالدار بن قصی سے تھا میں نے ان سے دریافت کیا نبی اکرم صلی اللہ علیہ وسلم کا کیا حال ہے؟ انہوں نے بتایا: آپ اپنی جگہ پر ہیں اور آپ کے اصحاب میرے پیچھے آ رہے ہیں۔
یہ روایت امام طبرانی نے نقل کی ہے اور اس کے رجال صحیح کے رجال ہیں۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9916]
تخریج الحدیث: «اخرجه الطبراني فى المعجم الكبير (362/20)، أخرجه مسند أحمد برقم: 3، وأخرجه فتح الباري برقم: 3694»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 9917
وَعَنْ عُمَرَ بْنِ الْخَطَّابِ قَالَ: كُنَّا قَدِ اسْتَبْطَأْنَا رَسُولَ اللَّهِ - صَلَّى اللَّهُ عَلَيْهِ وَسَلَّمَ - فِي الْقُدُومِ عَلَيْنَا، وَكَانَتِ الْأَنْصَارُ يَفِدُونَ إِلَى ظَهْرِ الْحَرَّةِ فَيَجْلِسُونَ حَتَّى يَرْتَفِعَ النَّهَارُ، فَإِذَا ارْتَفَعَ النَّهَارُ وَحَمِيَتِ الشَّمْسُ رَجَعَتْ إِلَى مَنَازِلِهَا، فَقَالَ عُمَرُ: كُنَّا نَنْتَظِرُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - إِذَا رَجُلٌ مِنَ الْيَهُودِ قَدْ أَوْفَى عَلَى أُطُمٍ مِنْ آطَامِهِمْ فَصَاحَ بِأَعْلَى صَوْتِهِ: يَا مَعْشَرَ الْعَرَبِ، هَذَا صَاحَبُكُمُ الَّذِي تَنْتَظِرُونَ، قَالَ عُمَرُ: سَمِعْتُ الْوَجْبَةَ فِي بَنَى عَمْرِو بْنِ عَوْفٍ، فَأَخْرَجْتُ رَأْسِي فَإِذَا الْمُسْلِمُونَ قَدْ لَبِسُوا السِّلَاحَ، فَانْطَلَقْتُ مَعَ الْقَوْمِ عِنْدَ الظَّهِيرَةِ فَأَخَذَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - ذَاتَ الْيَمِينِ حَتَّى نَزَلَ فِي بَنِي عَمْرِو بْنِ عَوْفٍ. رَوَاهُ الْبَزَّارُ، وَفِيهِ عَبْدُ اللَّهِ بْنُ زَيْدِ بْنِ أَسْلَمَ، وَثَّقَهُ أَبُو حَاتِمٍ، وَغَيْرُهُ، وَضَعَّفَهُ ابْنُ مَعِينٍ، وَغَيْرُهُ.
سیدنا عمر بن خطاب رضی اللہ عنہ بیان کرتے ہیں: نبی اکرم صلی اللہ علیہ وسلم کی ہمارے پاس (مدینہ منورہ میں) تشریف آوری میں تاخیر ہو گئی، انصار صبح کے وقت پتھریلی زمین کی طرف چلے جاتے تھے اور بیٹھے رہتے تھے یہاں تک کہ دن چڑھ جاتا تھا جب دن چڑھ جاتا تھا اور سورج کی تپش زیادہ ہو جاتی تھی، تو وہ لوگ اپنے گھروں کی طرف واپس چلے جاتے تھے سیدنا عمر رضی اللہ عنہ کہتے ہیں ہم لوگ نبی اکرم صلی اللہ علیہ وسلم کا انتظار کر رہے تھے، اسی دوران یہودیوں میں سے ایک شخص جو کسی بلند عمارت پر چڑھا ہوا تھا، اس نے بلند آواز میں چیخ کر کہا: اے عربوں کے گروہ! یہ تمہارے آقا آ رہے ہیں، جن کا تم انتظار کر رہے ہو، سیدنا عمر رضی اللہ عنہ کہتے ہیں: ہمیں بنو عمرو بن عوف کے علاقے میں ہلچل سنائی دی، میں نے سر نکال کے دیکھا تو مسلمان ہتھیار پہن رہے تھے، دن چڑھ چکا تھا، میں بھی لوگوں کے ساتھ نکلا، نبی اکرم صلی اللہ علیہ وسلم دائیں طرف ہو گئے اور آپ صلی اللہ علیہ وسلم نے بن عمرو بن عوف کے علاقے میں پڑاؤ کیا۔
یہ روایت امام بزار نے نقل کی ہے، اس کی سند میں ایک راوی عبداللہ بن زید بن اسلم ہے، جسے ابوحاتم اور دیگر حضرات نے ثقہ قرار دیا ہے، جبکہ یحیی بن معین اور دیگر حضرات نے اسے ضعیف کہا: ہے۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9917]
تخریج الحدیث: «اخرجه البزار فى المسند (4745)، أخرجه مسند البزار برقم: 284»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 9918
وَعَنْ عُمَرَ بْنِ الْخَطَّابِ قَالَ: اجْتَمَعْنَا لِلْهِجْرَةِ أَوْعَدْتُ أَنَا وَعِيَّاشُ بْنُ أَبِي رَبِيعَةَ، وَهِشَامُ بْنُ الْعَاصِ الْمَيْضَاةَ - مَيْضَاةَ بَنِي غِفَارٍ - فَوْقَ شُرَفٍ، وَقُلْنَا: أَيُّكُمْ لَمْ يُصْبِحْ عِنْدَهَا، فَقَدِ احْتُبِسَ، فَلْيَمْضِ صَاحِبَاهُ، فَحُبِسَ عَنَّا هِشَامُ بْنُ الْعَاصِ، فَلَمَّا قَدِمْنَا مَنْزِلَنَا فِي بَنِي عَمْرِو بْنِ عَوْفٍ، وَخَرَجَ أَبُو جَهْلِ بْنُ هِشَامٍ، وَالْحَارِثُ بْنُ هِشَامٍ إِلَى عَيَّاشِ بْنِ أَبِي رَبِيعَةَ، وَكَانَ ابْنُ عَمِّهِمَا وَأَخَاهُمَا لِأُمِّهِمَا حَتَّى قَدِمَا عَلَيْنَا الْمَدِينَةَ فَكَلَّمَاهُ، فَقَالَا لَهُ: إِنَّ أُمَّكَ نَذَرَتْ أَنْ لَا تَمَسَّ رَأْسَهَا مُشْطٌ حَتَّى تَرَاكَ، فَرَقَّ لَهَا، فَقُلْتُ لَهُ: يَا عَيَّاشُ، وَاللَّهِ إِنْ يَرُدَّكَ الْقَوْمُ إِلَّا عَنْ دِينِكَ، فَاحْذَرْهُمْ، فَوَاللَّهِ لَوْ قَدْ آذَى أُمَّكَ الْقَمْلُ لَامْتَشَطَتْ، وَلَوْ قَدِ اشْتَدَّ عَلَيْهَا حَرُّ مَكَّةَ - أَحْسَبُهُ قَالَ - لَامْتَشَطَتْ قَالَ: إِنَّ لِي هُنَاكَ مَالًا فَآخُذُهُ؟ قَالَ: قُلْتُ: وَاللَّهِ إِنَّكَ لَتَعْلَمُ أَنِّي مِنْ أَكْثَرِ قُرَيْشٍ مَالًا، فَلَكَ نِصْفُ مَالِي وَلَا تَذْهَبْ مَعَهُمَا، فَأَبَى إِلَّا أَنْ يَخْرُجَ مَعَهُمَا، فَقُلْتُ لَهُ لَمَّا أَبَى عَلَيَّ: أَمَّا إِذْ فَعَلْتَ مَا فَعَلْتَ فَخُذْ نَاقَتِي هَذِهِ ; فَإِنَّهَا نَاقَةٌ ذَلُولٌ فَالْزَمْ ظَهْرَهَا، فَإِنْ رَابَكَ مِنَ الْقَوْمِ رَيْبٌ ; فَأَنِخْ عَلَيْهَا، فَخَرَجَ مَعَهُمَا عَلَيْهَا حَتَّى إِذَا كَانُوا بِبَعْضِ الطَّرِيقِ، قَالَ أَبُو جَهْلِ بْنُ هِشَامٍ: وَاللَّهِ لَقَدِ اسْتَبْطَأْتُ بَعِيرِي هَذَا، أَفَلَا تَحْمِلُنِي عَلَى نَاقَتِكَ هَذِهِ؟ قَالَ: بَلَى، فَأَنَاخَ وَأَنَاخَا لِيَتَحَوَّلَ عَلَيْهَا، فَلَمَّا اسْتَوَوْا بِالْأَرْضِ عَدَّيَا عَلَيْهِ، فَأَوْثَقَاهُ ثُمَّ أَدْخَلَاهُ مَكَّةَ، وَفَتَنَاهُ فَافْتُتِنَ قَالَ: فَكُنَّا نَقُولُ: وَاللَّهِ لَا يَقْبَلُ اللَّهُ مِمَّنِ افْتُتِنَ صَرْفًا وَلَا عَدْلًا، وَلَا يَقْبَلُ تَوْبَةَ قَوْمٍ عَرَفُوا اللَّهَ ثُمَّ رَجَعُوا إِلَى الْكُفْرِ ; لِبَلَاءٍ أَصَابَهُمْ قَالَ: وَكَانُوا يَقُولُونَ ذَلِكَ لِأَنْفُسِهِمْ، فَلَمَّا قَدِمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمَدِينَةَ أَنْزَلَ اللَّهُ عَزَّ وَجَلَّ فِيهِمْ، وَفِي قَوْلِنَا لَهُمْ، وَقَوْلِهِمْ لِأَنْفُسِهِمْ: يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ إِلَى قَوْلِهِ: (وَأَنْتُمْ لَا تَشْعُرُونَ) ، قَالَ عُمَرُ: فَكَتَبْتُهَا فِي صَحِيفَةٍ وَبَعَثْتُ بِهَا إِلَى هِشَامِ بْنِ الْعَاصِ، قَالَ هِشَامٌ: فَلَمْ أَزَلْ أَقْرَؤُهَا بِذِي طُوَى أَصْعَدُ بِهَا فِيهِ حَتَّى فَهِمْتُهَا قَالَ: فَأُلْقِيَ فِي نَفْسِي أَنَّهَا إِنَّمَا نَزَلَتْ فِينَا، وَفِيمَا كُنَّا نَقُولُ فِي أَنْفُسِنَا، وَيُقَالُ فِينَا، فَرَجَعْتُ فَجَلَسْتُ عَلَى بَعِيرِي فَلَحِقْتُ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - بِالْمَدِينَةِ. رَوَاهُ الْبَزَّارُ، وَرِجَالُهُ ثِقَاتٌ.
سیدنا عمر بن خطاب رضی اللہ عنہ بیان کرتے ہیں: ہم نے ہجرت کرنے کا ارادہ کر لیا، میں نے عیاش بن ابوربیعہ نے، اور ہشام بن عاص نے بنوغفار کے ”معیضاۃ“ پر اکٹھے ہونے کا وعدہ کیا، جو ٹیلے پر تھا، ہم نے یہ طے کیا کہ جو شخص وہاں نہیں پہنچ پائے گا، وہ پیچھے رہ جائے گا اور باقی لوگ چلے جائیں گے، تو ہشام بن عاص ہم تک نہیں آ سکے، جب ہم مدینہ منورہ میں بنوعمرو بن عوف کے علاقے میں قباء میں اپنی رہائشی جگہ پر پہنچ گئے، تو ابوجہل بن ہشام اور حارث بن ہشام نکل کر عیاش بن ابوبیعہ کے پاس آئے، یہ دونوں عیاش بن ابوربیعہ کے چچازاد بھی تھے اور ماں کی طرف سے شریک بھائی بھی تھے یہ دونوں مدینہ منورہ میں ہمارے پاس آئے، ان دونوں نے عیاش کے ساتھ بات چیت کی اور اس سے یہ کہا: تمہاری ماں نے یہ نذر مانی ہے کہ وہ اس وقت تک بالوں میں کنگھی نہیں کرے گی جب تک تمہیں دیکھ نہیں لے گی، تو عیاش کا دل اپنی والدہ کے لئے پسیج گیا، میں نے اس سے کہا: اے عیاش! اللہ کی قسم! یہ لوگ تمہیں تمہارے دین سے واپس موڑنا چاہتے ہیں، تو تم ان سے بچو! اللہ کی قسم! جب جوئیں تمہاری ماں کو تنگ کریں گی، تو وہ خود ہی کنگھی کر لے گی، اور جب مکہ کی گرمی اس پر گراں گزرے گی راوی کہتے ہیں: میرا خیال ہے، روایت میں یہ الفاظ ہیں: تو وہ کنگھی بھی کر لے گی، عیاش نے کہا: وہاں میرا مال موجود ہے، وہ میں لے لوں گا، میں نے کہا: اللہ کی قسم تم یہ بات جانتے ہو کہ میرے پاس قریش میں سب سے زیادہ مال تھا، میرا نصف مال تم لے لو، لیکن تم ان دونوں کے ساتھ نہ جاؤ، لیکن اس نے یہ بات نہیں مانی اور ان دونوں کے ساتھ چلا گیا، جب اس نے میری بات نہیں مانی، تو میں نے اس سے کہا: چلو تمہاری جو مرضی ہے وہ کرو، لیکن تم میری یہ اونٹنی لے لو، یہ ایک فرمانبردار اونٹنی ہے، تم اس کی پشت پر بیٹھ جانا، اگر ان لوگوں نے تمہیں کوئی دھوکہ دیا، تو تم اس پر سوار ہو جانا، پھر وہ ان دونوں کے ساتھ اس اونٹنی پر بیٹھ کر چلا گیا، راستے میں کسی جگہ پر ابوجہل بن ہشام نے کہا: اللہ کی قسم! میرا یہ اونٹ چلنے میں سستی دکھا رہا ہے، کیا تم مجھے اپنی اس اونٹنی پر سواری کرنے دیتے ہو؟ عیاش نے کہا: ٹھیک ہے اس نے اونٹنی کو بٹھایا تاکہ ابوجہل اس پر منتقل ہو جائے جب وہ لوگ زمین پر بیٹھے، تو ان دونوں نے عیاش پر حملہ کر کے اسے باندھ دیا اور پھر اسے لے کر مکہ چلے گئے اور اسے آزمائش کا شکار کر دیا، تو وہ آزمائش کا شکار ہوا۔ سیدنا عمر رضی اللہ عنہ کہتے ہیں: ہم یہ کہا: کرتے تھے: اللہ کی قسم! جو شخص آزمائش کا شکار کرتا ہے، اس کی کوئی فرض یا نفل عبادت اللہ تعالیٰ قبول نہیں کرے گا، اور اس قوم کی توبہ بھی اللہ تعالیٰ قبول نہیں کرے گا، جنہوں نے اللہ تعالیٰ کی معرفت حاصل کر لی ہو اور پھر پیش آنے والی کسی مصیبت کے نتیجے میں وہ کفر کی طرف واپس چلے گئے ہوں، سیدنا عمر رضی اللہ عنہ کہتے ہیں: لوگ یہ موقف اپنی ذاتی رائے کی بنیاد پر رکھتے تھے، جب نبی اکرم صلی اللہ علیہ وسلم مدینہ منورہ تشریف لائے، تو اللہ تعالیٰ نے ان لوگوں کے بارے میں، ہمارے موقف اور ان لوگوں کے بارے میں ان کے اپنے موقوف کے بارے میں یہ آیت کی: ”اے میرے وہ بندو! جنہوں نے اپنے اوپر ظلم کیا، تم اللہ کی رحمت سے مایوس نہ ہو، بے شک اللہ تعالیٰ تمام گناہوں کی مغفرت کر دے گا، بے شک وہ مغفرت کرنے والا رحم کرنے والا ہے“ یہ آیت یہاں تک ہے: ”اور تم شعور نہیں رکھتے ہو“ سیدنا عمر رضی اللہ عنہ کہتے ہیں: ہم نے یہ آیت ایک صحیفہ میں نوٹ کی اور اسے ہشام بن العاص کو بھجوا دیا، ہشام کہتے ہیں: ذی طوی کے مقام پر میں مسلسل اسے پڑھتا رہا یہاں تک کہ یہ مجھے سمجھ آ گئی، پھر میرے ذہن میں یہ بات آئی، یہ ہمارے بارے میں نازل ہوئی ہے اور اس چیز کے بارے میں نازل ہوئی ہے، جو ہم اپنی ذات کے بارے میں کہتے ہیں، یا جو ہمارے بارے میں کہی جاتی ہے، تو میں واپس آیا، اپنے اونٹ پر بیٹھا اور نبی اکرم صلی اللہ علیہ وسلم سے آ ملا۔
یہ روایت امام بزار نے نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9918]
تخریج الحدیث: «اخرجه البزار فى المسند (1746)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 9919
وَعَنْ عُرْوَةَ قَالَ: خَرَجَ عُمَرُ بْنُ الْخَطَّابِ، وَعِيَّاشُ بْنُ أَبِي رَبِيعَةَ فِي أَصْحَابٍ لَهُمْ فَنَزَلُوا فِي بَنِي عَمْرِو بْنِ عَوْفٍ، فَطَلَبَ أَبُو جَهْلِ بْنُ هِشَامٍ، وَالْحَارِثُ بْنُ هِشَامٍ عَيَّاشَ بْنَ أَبِي رَبِيعَةَ وَهُوَ أَخُوهُمَا لِأُمِّهِمَا فَقَدِمَا الْمَدِينَةَ، فَذَكَرَا لَهُ حُزْنَ أُمِّهِ، فَقَالَا: إِنَّهَا حَلَفَتْ أَنْ لَا يُظِلَّهَا بَيْتٌ، وَلَا يَمَسَّ رَأْسَهَا دُهْنٌ حَتَّى تَرَاكَ وَلَوْلَا ذَلِكَ لَمْ نَطْلُبْكَ، فَنُذَكِّرْكَ اللَّهَ فِي أُمِّكَ، وَكَانَ بِهَا رَحِيمًا، وَكَانَ يَعْلَمُ مِنْ حُبِّهَا إِيَّاهُ وَرِقِّهَا - يَعْنِي عَلَيْهِ - مَا كَانَ يُصَدِّقُهُمَا بِهِ، فَرَقَّ لَهَا لِمَا ذَكَرُوا لَهُ وَأَبَى أَنْ يَتْبَعَهُمَا حَتَّى عَقَدَ لَهُ الْحَارِثُ بْنُ هِشَامٍ، فَلَمَّا خَرَجَ مَعَهُمَا، أَوْثَقَاهُ فَلَمْ يَزَلْ هُنَاكَ مُوَثَّقًا حَتَّى خَرَجَ مَعَ مَنْ خَرَجَ قَبْلَ فَتْحِ مَكَّةَ، وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - دَعَا لَهُ بِالْخَلَاصِ وَالْحِفْظِ. رَوَاهُ الطَّبَرَانِيُّ مُرْسَلًا، وَفِيهِ ابْنُ لَهِيعَةَ، وَفِيهِ ضَعْفٌ. وَرَوَاهُ أَيْضًا عَنِ ابْنِ شِهَابٍ مُرْسَلًا، وَرِجَالُهُ ثِقَاتٌ.
عروہ بیان کرتے ہیں: سیدنا عمر بن خطاب رضی اللہ عنہ اور عیاش بن ابوربیعہ اپنے ساتھیوں کے ساتھ نکلے، ان لوگوں نے بنو عمرو بن عوف کے علاقے میں رہائش اختیار کی، ابوجہل بن ہشام اور حارث بن ہشام، عیاش بن ابوربیعہ کی تلاش میں نکلے، عیاش ان دونوں کا ماں کی طرف سے شریک بھائی تھا، یہ دونوں مدینہ منورہ آئے اور ان دونوں نے عیاش کے سامنے اس کی والدہ کے پریشان ہونے کا ذکر کیا، ان دونوں نے یہ بتایا کہ اس خاتون نے یہ حلف اٹھایا ہے کہ وہ نہ گھر کے سائے میں آئے گی، نہ اپنے سر میں تیل لگائے گی جب تک تمہیں دیکھ نہیں لیتی، انہوں نے بتایا کہ اگر ایسا نہ ہوتا، تو ہم نے تمہاری تلاش میں نہیں آنا تھا، تو تمہاری والدہ کے حوالے سے ہم تمہیں اللہ کی یاد دلاتے ہیں، وہ شخص اپنی والدہ سے بڑی محبت کرتا تھا اور وہ یہ بھی جانتا تھا کہ اس کی والدہ بھی اس سے محبت کرتی ہے، اس لئے اسے اُن کی بات سچ سمجھنے میں کوئی دشواری نہیں ہوئی، ان لوگوں نے اس کے سامنے جو صورت حال ذکر کی، اس کے حوالے سے اس کا دل پسیج گیا، لیکن اس نے ان دونوں کے ساتھ جانے سے انکار کر دیا، جب تک حارث بن ہشام اس کے ساتھ طے نہیں کر لیتا، جب وہ ان دونوں کے ساتھ نکلا، تو ان دونوں نے اسے باندھ دیا اور وہ مسلسل بندش میں رہا، یہاں تک کہ مکہ فتح ہونے سے کچھ عرصہ پہلے (وہ اپنے دوسرے ساتھیوں کے ساتھ) وہاں سے نکلے تھے، نبی اکرم صلی اللہ علیہ وسلم نے ان کے لئے نجات پانے اور محفوظ رہنے کی دعا کی تھی۔
یہ روایت امام طبرانی نے ”مرسل“ روایت کے طور پر نقل کی ہے، اس کی سند میں ایک راوی ابن لہیعہ ہے، اس میں ضعف پایا جاتا ہے، راوی نے یہ روایت ابن شہاب کے حوالے سے ”مرسل“ روایت کے طور پر بھی نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9919]

الحكم على الحديث:
إسنادہ مرسل
مزید تخریج الحدیث شرح دیکھیں
اظهار التشكيل
حدیث نمبر: 9920
وَعَنِ ابْنِ عُمَرَ قَالَ: كُنَّا نَقُولُ: لَيْسَ لِمَنِ افْتُتِنَ تَوْبَةٌ إِذَا تَرَكَ دِينَهُ بَعْدَ إِسْلَامِهِ وَمَعْرِفَتِهِ. فَأَنْزَلَ اللَّهُ فِيهِمْ: يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِلَى قَوْلِهِ: (مِنْ قَبْلِ أَنْ يَأْتِيَكُمُ الْعَذَابُ بَغْتَةً وَأَنْتُمْ لَا تَشْعُرُونَ) فَكَتَبْتُهَا بِيَدِي، ثُمَّ بَعَثْتُ بِهَا إِلَى هِشَامِ بْنِ الْعَاصِ بْنِ وَائِلٍ، قَالَ هِشَامٌ: فَلَمَّا جَاءَتْنِي صَعَدْتُ بِهَا كَذَا أُصَوِّتُ بِهَا وَأَقُولُ فَلَا أَفْهَمُهَا، فَوَقَعَتْ فِي نَفْسِي أَنَّهَا نَزَلَتْ فِينَا وَمَا كُنَّا نَقُولُ، فَجَلَسْتُ عَلَى بَعِيرِي ثُمَّ لَحِقْتُ بِالْمَدِينَةِ، وَأَقَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَنْتَظِرُ أَنْ يُؤْذَنَ لَهُ بِالْهِجْرَةِ، وَأَصْحَابُهُ مِنَ الْمُهَاجِرِينَ قَدِمُوا إِرْسَالًا، وَقَدْ كَانَ أَبُو بَكْرٍ اسْتَأْذَنَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فِي الْهِجْرَةِ فَقَالَ:" لَا تَعْجَلْ لَعَلَّ اللَّهَ أَنْ يَجْعَلَ لَكَ صَاحِبًا". فَطَمِعَ أَبُو بَكْرٍ أَنْ يَكُونَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَعْنِي نَفْسَهُ - وَكَانَ أَبُو بَكْرٍ قَدْ أَعَدَّ لِذَلِكَ رَاحِلَتَيْنِ يَعْلِفُهُمَا فِي دَارِهِ. رَوَاهُ الطَّبَرَانِيُّ، وَفِيهِ عَبْدُ الرَّحْمَنِ بْنُ بَشِيرٍ الدِّمَشْقِيِّ، ضَعَّفَهُ أَبُو حَاتِمٍ.
سیدنا عبداللہ بن عمر رضی اللہ عنہما بیان کرتے ہیں: ہم یہ کہا: کرتے تھے: جو شخص خود کو آزمائش کا شکار کر دے، اُس کی توبہ قبول نہیں ہو گی جبکہ اس نے اسلام قبول کرنے کے بعد اور اس کی معرفت کے بعد، اپنے دین کو ترک کیا ہو، تو اللہ تعالیٰ نے ان لوگوں کے بارے میں یہ آیات نازل کیں: ”اے میرے وہ بندو! جنہوں نے اپنے اوپر ظلم کیا، تم اللہ کی رحمت سے مایوس نہ ہو“ یہ آیت یہاں تک ہے: ”اس سے پہلے کہ تمہارے پاس اچانک عذاب آ جائے اور تمہیں شعور بھی نہ ہو“ راوی کہتے ہیں: میں نے اپنے ہاتھ کے ذریعے اس آیت کو تحریر کیا اور پھر اسے ہشام بن العاص بن وائل کو بھیجوایا، ہشام کہتے ہیں: جب یہ آیت میرے پاس آئی، تو میں نے اسے پڑھنا شروع کیا، لیکن مجھے اس کی سمجھ نہیں آئی، پھر میرے ذہن میں یہ خیال آیا کہ یہ آیت ہمارے بارے میں ہے، اور جو ہم کہتے ہیں، اس کے بارے میں نازل ہوئی ہے، تو میں اپنے اونٹ پر بیٹھا اور مدینہ منورہ آ گیا، نبی اکرم صلی اللہ علیہ وسلم اس انتظار میں تھے کہ آپ کو ہجرت کی اجازت مل جائے، مہاجرین سے تعلق رکھنے والے آپ کے اصحاب مختلف ٹولیوں کی شکل میں آ چکے تھے، سیدنا ابوبکر رضی اللہ عنہ نے نبی اکرم صلی اللہ علیہ وسلم سے ہجرت کی اجازت مانگی تھی، تو نبی اکرم صلی اللہ علیہ وسلم نے ارشاد فرمایا تھا: تم جلدی نہ کرو! ہو سکتا ہے، اللہ تعالیٰ تمہارے لئے کوئی ساتھی مقرر کر دے، تو سیدنا ابوبکر رضی اللہ عنہ کو یہ توقع تھی کہ وہ ساتھی خود نبی اکرم صلی اللہ علیہ وسلم ہوں گے، سیدنا ابوبکر رضی اللہ عنہ نے ہجرت کے لئے دو سواریاں تیار کی تھیں، وہ اپنے گھر میں اُن دونوں کو چارہ کھلایا کرتے تھے۔
یہ روایت امام طبرانی نے نقل کی ہے، اس روایت کی سند میں ایک راوی عبدالرحمن بن بشیر دمشقی ہے، جسے امام ابوحاتم نے ضعیف قرار دیا ہے۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9920]
تخریج الحدیث: «اخرجه الطبراني فى المعجم الكبير (178/22)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 9921
وَعَنِ ابْنِ عُمَرَ قَالَ: لَعَنَ اللَّهُ مَنْ يَزْعُمُ أَنِّي هَاجَرْتُ قَبْلَ أَبِي، إِنَّمَا قَدَّمَنِي فِي ثِقَلِهِ. رَوَاهُ الطَّبَرَانِيُّ، وَفِيهِ جَابِرٌ الْجُعْفِيُّ وَهُوَ ضَعِيفٌ.
سیدنا عبداللہ بن عمر رضی اللہ عنہما فرماتے ہیں: اللہ تعالیٰ اس شخص پر لعنت کرے، جو یہ کہتا ہے کہ میں نے اپنے والد (یعنی سیدنا عمر رضی اللہ عنہ) سے پہلے ہجرت کی تھی، (اصل بات یہ ہے:) اُنہوں نے مجھے سامان کے ساتھ آگے بھجوا دیا تھا۔
یہ روایت امام طبرانی نے نقل کی ہے، اس کی سند میں ایک راوی جابر جعفی ہے اور وہ ضعیف ہے۔ [مجمع الزاوئد ومنبع الفوائد/كِتَابُ الْمَغَازِي وَالسِّيَرِ/حدیث: 9921]

الحكم على الحديث:
ضعیف جداً
مزید تخریج الحدیث شرح دیکھیں