حضرت ابوہریرہ رضی اللہ عنہ سے منقول ہے، رسول اللہ صلی اللہ علیہ وسلم نے فرمایا: ”کیا میں تمہیں ان چیزوں کی خبر نہ دوں جن کے ساتھ اللہ تعالیٰ غلطیاں مٹاتا اور درجات بلند فرماتا ہے؟“ (صحابہ کرام رضی اللہ عنہم نے عرض کیا: ”اللہ کے رسول! کیوں نہیں؟“) آپ صلی اللہ علیہ وسلم نے فرمایا: ”مشقت اور نا چاہتے ہوئے وضو مکمل اور اچھی طرح کرنا، مسجد کی طرف دور سے چل کر جانا اور نماز کے بعد اگلی نماز کا (مسجد میں بیٹھ کر) انتظار کرنا۔ یہ ہے «الرِّبَاطُ» ”رباط“، یہ ہے «الرِّبَاطُ» ”رباط“، یہ ہے «الرِّبَاطُ» ”رباط“۔“ [سنن نسائي/صفة الوضوء/حدیث: 143]