حضرت سالم رحمہ اللہ بیان کرتے ہیں کہ ”ہم حضرت ابو مسعود رضی اللہ عنہ کے پاس گئے اور ان سے گزارش کی کہ ہمیں رسول اللہ صلی اللہ علیہ وسلم کی نماز بیان کیجیے۔ آپ ہمارے آگے کھڑے ہو گئے اور «اللَّهُ أَكْبَرُ» ”اللہ سب سے بڑا ہے“ کہا۔ جب آپ نے رکوع کیا تو اپنی ہتھیلیاں اپنے گھٹنوں پر رکھیں اور انگلیاں اس سے نیچے رکھیں اور اپنی کہنیوں کو پہلوؤں سے دور رکھا حتیٰ کہ آپ کا ہر عضو سیدھا اور درست ہو گیا۔ پھر «سَمِعَ اللَّهُ لِمَنْ حَمِدَهُ» ”اللہ نے اس کی سن لی جس نے اس کی تعریف کی“ کہا اور کھڑے ہو گئے حتیٰ کہ آپ کا ہر عضو سیدھا اور درست ہو گیا۔“ [سنن نسائي/كتاب التطبيق/حدیث: 1037]