🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔ News
إتحاف الخيرة المهرة بزوائد المسانيد العشرة سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

إتحاف الخيرة المهرة میں نمبر سے تلاش کل احادیث (7968)
حدیث نمبر لکھیں:
إتحاف الخيرة المهرة میں عربی لفظ/الفاظ تلاش کریں
عربی لفظ / الفاظ لکھیں:
إتحاف الخيرة المهرة میں اردو لفظ/الفاظ تلاش کریں
اردو لفظ / الفاظ لکھیں:

1763. مناقب صفوان بن المعطل السلمي الذكواني، رضي الله عنه
سیدنا صفوان بن معطل سلمی ذکوانی رضی اللہ عنہ کے مناقب۔
اظهار التشكيل
حدیث نمبر: 6851
وَعَنِ ابْنِ عَوْنٍ قَالَ: أَنْبَأَنِي الْحَسَنُ، عَنْ صَاحِبِ زَادِ النَّبِيِّ صَلَّى اللَّهُ عَلَيْهِ وَسَلَّمَ قَالَ ابْنُ عَوْنٍ: كَانَ يُسَمَّى: سَفِينَةَ: "أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ فِي سَفَرٍ وَرَاحِلَتُهُ عَلَيْهَا زَادُ النَّبِيِّ صَلَّى اللَّهُ عَلَيْهِ وَسَلَّمَ فَجَاءَ صَفْوَانُ بْنُ الْمُعَطَّلِ فَقَالَ: إِنِّي قَدْ جُعْتُ، قَالَ: مَا أَنَا بِمُطْعِمِكَ حَتَّى يَأْمُرَنِي النَّبِيُّ صَلَّى اللَّهُ عَلَيْهِ وَسَلَّمَ وَيَنْزِلَ النَّاسُ فَتَأْكُلَ، قَالَ: فَقَالَ هَكَذَا بِالسَّيْفِ، وَكَشَفَ عُرْقُوبَ الرَّاحِلَةِ.
قَالَ: وَكَانَ إِذَا أَحْزَبَهُمْ أَمْرٌ قَالُوا: احْبِسْ أَوَّلَ احْبِسْ أَوَّلَ، فَسَمِعُوا، فَوَقَفُوا، وَجَاءَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَلَمَّا رَأَى مَا صَنَعَ صَفْوَانُ بْنُ الْمُعَطَّلِ بِالرَّاحِلَةِ قَالَ لَهُ: اخْرُجْ، وَأَمَرَ النَّاسَ أَنْ يَسِيرُوا، فَجَعَلَ صَفْوَانُ بْنُ الْمُعَطَّلِ يَتْبَعُهُمْ حَتَّى نَزَلُوا، فَجَعَلَ يَأْتِيهِمْ فِي رِحَالِهِمْ، وَيَقُولُ: إِلَى أَيْنَ أَخْرَجَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَى النَّارِ أَخْرَجَنِي؟ قَالَ: فَأَتَوْا رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالُوا: يَا رَسُولَ اللَّهِ، مَا زَالَ صَفْوَانُ بْنُ الْمُعَطَّلُ يَتَجَوَّبُ رِحَالَنَا مُنْذُ اللَّيْلَةِ وَيَقُولُ: إِلَى أَيْنَ أَخْرَجَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَى النَّارِ أَخْرَجَنِي؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّ صَفْوَانَ بْنَ الْمُعَطَّلِ خَبِيثُ اللِّسَانِ طَيِّبُ الْقَلْبِ".
رَوَاهُ أَبُو يَعْلَى الْمَوْصِلِيُّ .
سیدنا سفینہ رضی اللہ عنہ سے روایت ہے کہ رسول اللہ صلی اللہ علیہ وسلم ایک سفر میں تھے اور آپ کی سواری پر آپ کا توشہ لدا ہوا تھا، اسی دوران سیدنا صفوان بن معطل رضی اللہ عنہ آئے اور کہا کہ ”میں بھوکا ہوں“، سیدنا سفینہ رضی اللہ عنہ نے جواب دیا کہ ”میں تمہیں اس وقت تک کھانا نہیں کھلاؤں گا جب تک نبی صلی اللہ علیہ وسلم مجھے حکم نہ دے دیں اور لوگ پڑاؤ نہ ڈال لیں تاکہ تم بھی کھانا کھا سکو“، اس پر انہوں نے اپنی تلوار ماری اور اونٹنی کی کونچیں کاٹ ڈالیں، راوی بیان کرتے ہیں کہ جب صحابہ کو کوئی معاملہ درپیش ہوتا تو وہ پکارتے تھے: «احْبِسْ أَوَّلَ احْبِسْ أَوَّلَ» ”سب سے پہلے والے کو روکو، پہلے والے کو روکو“، چنانچہ لوگوں نے یہ پکار سنی اور وہ رک گئے، رسول اللہ صلی اللہ علیہ وسلم تشریف لائے اور جب آپ صلی اللہ علیہ وسلم نے اونٹنی کے ساتھ سیدنا صفوان بن معطل رضی اللہ عنہ کا یہ سلوک دیکھا تو ان سے فرمایا: ”یہاں سے چلے جاؤ“ اور آپ صلی اللہ علیہ وسلم نے لوگوں کو آگے بڑھنے کا حکم دیا، سیدنا صفوان بن معطل رضی اللہ عنہ ان کے پیچھے چلتے رہے یہاں تک کہ جب سب نے پڑاؤ کیا تو وہ لوگوں کے ڈیروں پر جا کر کہنے لگے کہ ”رسول اللہ صلی اللہ علیہ وسلم نے مجھے کہاں نکالا ہے؟ کیا مجھے آگ کی طرف نکال دیا ہے؟“، چنانچہ لوگ رسول اللہ صلی اللہ علیہ وسلم کی خدمت میں حاضر ہوئے اور عرض کی: ”اے اللہ کے رسول! صفوان بن معطل آج رات سے ہمارے خیموں کے چکر لگا رہے ہیں اور کہہ رہے ہیں کہ رسول اللہ صلی اللہ علیہ وسلم نے مجھے کہاں نکالا ہے؟ کیا مجھے آگ کی طرف نکال دیا ہے؟“ تو رسول اللہ صلی اللہ علیہ وسلم نے ارشاد فرمایا: ”بے شک صفوان بن معطل سخت زبان والے ہیں مگر دل کے بہت نیک ہیں“۔ اس حدیث کو امام ابو یعلیٰ الموصلی نے روایت کیا ہے۔ [إتحاف الخيرة المهرة بزوائد المسانيد العشرة/كتاب المناقب/حدیث: 6851]
تخریج الحدیث: «أبو يعلى (المطالب 4018): القواريري عن سليم بن أخضر عن ابن عون أنبأني الحسن عن سفينة؛ صححه محقق المطالب وقال: سماع الحسن من سفينة ممكن ولم أجد من ذكره بالإرسال عنه. الحسن البصري: ثقة يرسل كثيرا ويدلس (من الحفظ).»

الحكم على الحديث:
سكت عنه البوصيري، رجاله ثقات؛ والحسن مدلس وقد عنعن عن سفينة
مزید تخریج الحدیث شرح دیکھیں