حضرت عبید بن عمیر زخم والے شخص کے بارے میں فرماتے ہیں کہ وہ غسل کرے اور اس کے اردگرد کا حصہ دھویا جائے گا۔ [مصنف ابن ابي شيبه/كتاب الطهارة/حدیث: 1451]

حضرت سوید بن غفلہ زخم کے بارے میں فرماتے ہیں کہ اس کے اردگرد کے حصے پر مسح کیا جائے گا۔ [مصنف ابن ابي شيبه/كتاب الطهارة/حدیث: 1452]

حضرت شعبی اور حضرت حسن فرماتے ہیں کہ پٹی پر مسح کیا جائے گا۔ [مصنف ابن ابي شيبه/كتاب الطهارة/حدیث: 1453]

حضرت سلمہ بن کہیل فرماتے ہیں کہ مجھے یہاں (بھنوؤں کے نیچے) چوٹ لگی تو میں نے اس پر پٹی باندھ لی۔ اور اس بارے میں حضرت سعید بن جبیر سے پوچھا کہ کیا اس پر مسح کروں؟ فرمایا ہاں۔ [مصنف ابن ابي شيبه/كتاب الطهارة/حدیث: 1454]

حضرت یوسف بن ماہک فرماتے ہیں کہ ایک مرتبہ ایک مہمان ہمارے ہاں آئے۔ انہیں احتلام ہوگیا جب کہ وہ زخمی بھی تھے۔ ہم عبید بن عمیر کے پاس آئے اور ان کے بارے میں سوال کیا تو انہوں نے فرمایا کہ زخم کے اردگرد کا حصہ دھو لیں اور زخم کو پانی نہ لگائیں۔ [مصنف ابن ابي شيبه/كتاب الطهارة/حدیث: 1455]

حضرت حکم فرماتے ہیں کہ جب آدمی کے ہاتھ یا پاؤں پر زخم ہو اور اسے پانی لگنے سے نقصان کا اندیشہ ہو تو اس پر پٹی رکھ کر اس پر مسح کرلے۔ [مصنف ابن ابي شيبه/كتاب الطهارة/حدیث: 1456]

حضرت ابراہیم فرماتے ہیں کہ پٹی پر مسح کرلے کیونکہ اللہ عذر کو معاف فرماتے ہیں۔ [مصنف ابن ابي شيبه/كتاب الطهارة/حدیث: 1457]

حضرت مجاہد فرماتے ہیں کہ جب آدمی کو نقصان کا اندیشہ ہو تو پٹی پر مسح کرلے۔ [مصنف ابن ابي شيبه/كتاب الطهارة/حدیث: 1458]

حضرت ابو مجلز فرماتے ہیں کہ پٹی پر مسح کرے۔ [مصنف ابن ابي شيبه/كتاب الطهارة/حدیث: 1459]

حضرت ابن عمر رضی اللہ عنہما فرماتے ہیں کہ اگر زخم پر پٹی باندھے ہوئے شخص کو پانی سے نقصان کا اندیشہ ہو تو اس کے اردگرد کا مسح کرلے اور اسے دھونے سے اجتناب کرے۔ [مصنف ابن ابي شيبه/كتاب الطهارة/حدیث: 1460]