حضرت قاسم اور حضرت سالم فرماتے ہیں کہ قلس (معدے سے منہ میں پانی یا کھانا آ جانا) میں وضو لازم ہے۔ [مصنف ابن ابي شيبه/كتاب الطهارة/حدیث: 441]

حضرت طاوس حضرت مجاہد اور حسن کے نزدیک قلس (معدے سے منہ میں پانی یا کھانا آ جانا) سے وضو لازم نہیں ہوتا۔ [مصنف ابن ابي شيبه/كتاب الطهارة/حدیث: 442]

حضرت مجاہد اور حضرت طاوس فرماتے ہیں کہ قلس (معدے سے منہ میں پانی یا کھانا آ جانے) سے وضو نہیں ٹوٹتا، جب تک کہ وہ باقاعدہ قے نہ ہو۔ [مصنف ابن ابي شيبه/كتاب الطهارة/حدیث: 443]

حسن فرماتے ہیں کہ اگر قلس (معدے سے منہ میں پانی یا کھانا آ جانا) تھوڑا ہو تو وضو نہیں ٹوٹتا۔ [مصنف ابن ابي شيبه/كتاب الطهارة/حدیث: 444]

حضرت حماد فرماتے ہیں کہ قلس (معدے سے منہ میں پانی یا کھانا آ جانا) اگر تھوڑا ہو تو وضو نہیں ٹوٹتا اور اگر زیادہ ہو تو وضو ٹوٹ جاتا ہے۔ [مصنف ابن ابي شيبه/كتاب الطهارة/حدیث: 445]

حضرت عطاء فرماتے ہیں کہ قلس (معدے سے منہ میں پانی یا کھانا آ جانا) سے وضو نہیں ٹوٹتا۔ [مصنف ابن ابي شيبه/كتاب الطهارة/حدیث: 446]

حضرت علاء بن زیاد فرماتے ہیں کہ ایک مرتبہ نبی کریم صلی اللہ علیہ وآلہ وسلم نے غسل جنابت فرمایا۔ غسل سے فارغ ہوئے تو آپ نے اپنے کندھے پر خشکی کا نشان دیکھا۔ پھر آپ نے اپنے بال پکڑے اور ان سے اس حصے کو تر کرلیا۔ [مصنف ابن ابي شيبه/كتاب الطهارة/حدیث: 447]

حسن فرماتے ہیں کہ نبی کریم صلی اللہ علیہ وآلہ وسلم نے ایک آدمی کو دیکھا کہ اس کے پاؤں میں ناخن کی جگہ خشک ہے، آپ نے اس سے فرمایا ”اچھی طرح وضو کرو“ یونس کہتے ہیں کہ حسن ایسی صورت میں فرمایا کرتے تھے کہ اس جگہ کو دھویا جائے گا۔ [مصنف ابن ابي شيبه/كتاب الطهارة/حدیث: 448]

حضرت عبید بن عمیر فرماتے ہیں کہ ایک مرتبہ حضرت عمر بن خطاب نے ایک آدمی کو دیکھا جس کا پاؤں وضو کرتے وقت ایک جگہ سے خشک رہ گیا تھا، آپ نے اس سے فرمایا کہ کیا تم اس وضو کے ساتھ نماز پڑھو گے۔ پھر اسے حکم دیا کہ اس خشک جگہ کو دھو کر نماز دوبارہ پڑھے۔ [مصنف ابن ابي شيبه/كتاب الطهارة/حدیث: 449]

حضرت ابو قلابہ فرماتے ہیں کہ ایک مرتبہ حضرت عمر نے ایک آدمی کو دیکھا جو نماز پڑھ رہا تھا لیکن اس کے پاؤں پر ایک جگہ ناخن کے برابر خشک تھی۔ آپ نے اسے وضو اور نماز لوٹانے کا حکم دیا۔ [مصنف ابن ابي شيبه/كتاب الطهارة/حدیث: 450]