حضرت عبد الرحمن بن ابی لیلیٰ فرماتے ہیں کہ ہمیں رسول اللہ صلی اللہ علیہ وسلم کے صحابہ نے بیان کیا کہ حضرت عبد اللہ بن زید انصاری رضی اللہ عنہ نبی کریم صلی اللہ علیہ وسلم کی خدمت میں حاضر ہوئے اور عرض کیا: یا رسول اللہ! میں نے خواب میں دیکھا گویا ایک آدمی دیوار کے ایک ٹکڑے پر کھڑا ہے، اس پر دو سبز چادریں ہیں، اس نے دو دو مرتبہ اذان دی، دو دو مرتبہ اقامت کہی اور تھوڑی دیر بیٹھا۔ راوی کہتے ہیں کہ حضرت بلال رضی اللہ عنہ نے یہ سنا تو کھڑے ہوئے اور دو دو مرتبہ اذان دی، دو دو مرتبہ اقامت کہی اور تھوڑی دیر بیٹھے۔ [مصنف ابن ابي شيبه/كتاب الأذان والإقامة/حدیث: 2137]

حضرت ابو محذورہ فرماتے ہیں کہ نبی کریم صلی اللہ علیہ وآلہ وسلم نے مجھے اذان کے انیس اور اقامت کے سترہ کلمات سکھائے۔ اذان کے کلمات یہ تھے: اللَّہُ أَکْبَرُ، اللَّہُ أَکْبَرُ، اللَّہُ أَکْبَرُ، اللَّہُ أَکْبَرُ، أَشْہَدُ أَنْ لاَ إلَہَ إِلاَّ اللَّہُ، أَشْہَدُ أَنْ لاَ إلَہَ إِلاَّ اللَّہُ، أَشْہَدُ أَنَّ مُحَمَّدًا رَسُولُ اللہِ، أَشْہَدُ أَنَّ مُحَمَّدًا رَسُولُ اللہِ، أَشْہَدُ أَنْ لاَ إلَہَ إِلاَّ اللَّہُ، أَشْہَدُ أَنْ لاَ إلَہَ إِلاَّ اللَّہُ، أَشْہَدُ أَنَّ مُحَمَّدًا رَسُولُ اللہِ، أَشْہَدُ أَنَّ مُحَمَّدًا رَسُولُ اللہِ، حَیَّ عَلَی الصَّلاَۃِ، حَیَّ عَلَی الصَّلاَۃِ، حَیَّ عَلَی الْفَلاَحِ، حَیَّ عَلَی الْفَلاَحِ، اللَّہُ أَکْبَرُ، اللَّہُ أَکْبَرُ، لاَ إلَہَ إِلاَّ اللَّہُ۔ اقامت کے کلمات یہ تھے: اللَّہُ أَکْبَرُ، اللَّہُ أَکْبَرُ، اللَّہُ أَکْبَرُ اللَّہُ أَکْبَرُ، أَشْہَدُ أَنْ لاَ إلَہَ إِلاَّ اللَّہُ، أَشْہَدُ أَنْ لاَ إلَہَ إِلاَّ اللَّہُ، أَشْہَدُ أَنَّ مُحَمَّدًا رَسُولُ اللہِ، أَشْہَدُ أَنَّ مُحَمَّدًا رَسُولُ اللہِ، حَیَّ عَلَی الصَّلاَۃِ، حَیَّ عَلَی الصَّلاَۃِ، حَیَّ عَلَی الْفَلاَحِ، حَیَّ عَلَی الْفَلاَحِ، قَدْ قَامَتِ الصَّلاَۃُ، قَدْ قَامَتِ الصَّلاَۃُ، اللَّہُ أَکْبَرُ، اللَّہُ أَکْبَرُ، لاَ إلَہَ إِلاَّ اللَّہُ۔ [مصنف ابن ابي شيبه/كتاب الأذان والإقامة/حدیث: 2138]

حضرت نافع فرماتے ہیں کہ حضرت ابن عمر رضی اللہ عنہما کی اذان یہ تھی: اللَّہُ أَکْبَرُ، اللَّہُ أَکْبَرُ، اللَّہُ أَکْبَرُ، شَہِدْتُ أَنْ لاَ إِلَہَ إِلاَّ اللَّہُ، شَہِدْتُ أَنْ لاَ إِلَہَ إِلاَّ اللَّہُ، شَہِدْتُ أَنْ لاَ إِلَہَ إِلاَّ اللَّہُ، (تین مرتبہ) شَہِدْتُ أَنَّ مُحَمَّدًا رَسُولُ اللہِ، شَہِدْتُ أَنَّ مُحَمَّدًا رَسُولُ اللہِ، شَہِدْتُ أَنَّ مُحَمَّدًا رَسُولُ اللہِ (تین مرتبہ) حَیَّ عَلَی الصَّلاۃِ (تین مرتبہ) حَیَّ عَلَی الْفَلاَحِ، (تین مرتبہ) اللَّہُ أَکْبَرُ، اور میرا خیال ہے کہ انہوں نے لاَ إِلَہَ إِلاَّ اللَّہُ بھی کہا۔ [مصنف ابن ابي شيبه/كتاب الأذان والإقامة/حدیث: 2139]

حضرت محمد فرماتے ہیں کہ اذان کے کلمات یہ ہیں: اللَّہُ أَکْبَرُ، اللَّہُ أَکْبَرُ، أَشْہَدُ أَنْ لاَ إِلَہَ إِلاَّ اللَّہُ، أَشْہَدُ أَنْ لاَ إِلَہَ إِلاَّ اللَّہُ، أَشْہَدُ أَنَّ مُحَمَّدًا رَسُولُ اللہِ، أَشْہَدُ أَنَّ مُحَمَّدًا رَسُولُ اللہِ، حَیَّ عَلَی الصَّلاَۃِ، حَیَّ عَلَی الصَّلاَۃِ، حَیَّ عَلَی الْفَلاَحِ، حَیَّ عَلَی الْفَلاَحِ، اللَّہُ أَکْبَرُ، اللَّہُ أَکْبَرُ، لاَ إِلَہَ إِلاَّ اللَّہُ، وَاللَّہُ أَکْبَرُ۔ [مصنف ابن ابي شيبه/كتاب الأذان والإقامة/حدیث: 2140]

حسن فرمایا کرتے تھے کہ اذان کے کلمات یہ ہیں: اللَّہُ أَکْبَرُ، أَشْہَدُ أَنْ لاَ إِلَہَ إِلاَّ اللَّہُ، أَشْہَدُ أَنَّ مُحَمَّدًا رَسُولُ اللہِ، حَیَّ عَلَی الصَّلاَۃِ، حَیَّ عَلَی الْفَلاَحِ، پھر انہی کلمات کو دہراتے اور یوں کہتے: اللَّہُ أَکْبَرُ، اللَّہُ أَکْبَرُ، أَشْہَدُ أَنْ لاَ إِلَہَ إِلاَّ اللَّہُ، أَشْہَدُ أَنَّ مُحَمَّدًا رَسُولُ اللہِ، حَیَّ عَلَی الصَّلاَۃِ، حَیَّ عَلَی الْفَلاَحِ (دو مرتبہ) اللَّہُ أَکْبَرُ، اللَّہُ أَکْبَرُ، لاَ إِلَہَ إِلاَّ اللَّہُ۔ [مصنف ابن ابي شيبه/كتاب الأذان والإقامة/حدیث: 2141]

حضرت ابن ابی محذورہ روایت کرتے ہیں کہ حضرت ابو محذورہ ایک ایک مرتبہ اذان کے کلمات کو آہستہ آواز سے کہا کرتے تھے۔ پھر جب أَشْہَدُ أَنَّ مُحَمَّدًا رَسُولُ اللہِ، أَشْہَدُ أَنَّ مُحَمَّدًا رَسُولُ اللہِ، تک پہنچتے تو واپس أَشْہَدُ أَنْ لاَ إِلَہَ إِلاَّ اللَّہُ، کی طرف جاتے اور دو دو مرتبہ یہ کلمات کہتے ہوئے آواز کو بلند کرتے۔ پھر جب حَیَّ عَلَی الصَّلاَۃِ، تک پہنچتے تو فجر کی پہلی اذان میں الصَّلاَۃُ خَیْرٌ مِنَ النَّوْمِ کہتے۔ [مصنف ابن ابي شيبه/كتاب الأذان والإقامة/حدیث: 2142]

ایک مرتبہ ایک انصاری صحابی حضور صلی اللہ علیہ وآلہ وسلم کی خدمت میں حاضر ہوئے اور عرض کیا کہ یا رسول اللہ! گذشتہ رات جب میں نے آپ کی فکر دیکھی اور آپ کے پاس سے واپس گیا تو میں نے خواب میں دیکھا کہ ایک آدمی مسجد میں کھڑا ہے اور اس پر دو سبز کپڑے ہیں۔ اس نے اذان دی، پھر وہ ایک مرتبہ بیٹھا پھر اس نے اسی طرح اقامت کہی البتہ اقامت میں قد قامت الصلاۃ کے الفاظ کا اضافہ تھا۔ اور اگر یہ خیال نہ ہوتا کہ آپ لوگ کچھ کہیں گے تو میں کہتا کہ میں جاگ رہا تھا، سویا ہوا نہیں تھا۔ حضور صلی اللہ علیہ وآلہ وسلم نے فرمایا کہ اللہ تعالیٰ نے تمہیں خیر دکھائی ہے۔ حضرت عمر نے فرمایا کہ میں نے بھی خواب میں یہی کچھ دیکھا تھا لیکن جب یہ مجھ سے سبقت لے گئے تو اسے بیان کرتے ہوئے مجھے شرم محسوس ہوئی۔ پھر حضور صلی اللہ علیہ وآلہ وسلم نے فرمایا کہ بلال کو حکم دو کہ وہ اذان دیں۔ [مصنف ابن ابي شيبه/كتاب الأذان والإقامة/حدیث: 2143]

ایک اور سند سے یونہی منقول ہے۔ [مصنف ابن ابي شيبه/كتاب الأذان والإقامة/حدیث: 2144]

حضرت عبدالعزیز بن رفیع کہتے ہیں کہ حضرت ابو محذورہ کی اذان دو دو مرتبہ اور اقامت ایک ایک مرتبہ ہوا کرتی تھی۔ [مصنف ابن ابي شيبه/كتاب الأذان والإقامة/حدیث: 2145]

حضرت ابن عمر رضی اللہ عنہما فرماتے ہیں کہ حضرت بلال اذان کو دو دو مرتبہ اور اقامت کو ایک ایک مرتبہ کہا کرتے تھے۔ [مصنف ابن ابي شيبه/كتاب الأذان والإقامة/حدیث: 2146]