حضرت ابن عباس رضی اللہ عنہما فرماتے ہیں کہ آزاد عورت سے اجازت لی جائے گی جبکہ باندی سے اجازت نہیں لی جائے گی۔ [مصنف ابن ابي شيبه/كتاب النكاح/حدیث: 17440]

حسن سے بھی یونہی منقول ہے۔ [مصنف ابن ابي شيبه/كتاب النكاح/حدیث: 17441]

حضرت سعید بن جبیر سے بھی یونہی منقول ہے۔ ان حضرات نے فرمایا کہ آزاد عورت سے اجازت لی جائے گی اور باندی سے اجازت نہیں لی جائے گی۔ [مصنف ابن ابي شيبه/كتاب النكاح/حدیث: 17442]

حضرت عبدالملک فرماتے ہیں کہ حضرت عطاء سے سوال کیا گیا کہ کیا باندی سے عزل کیا جائے گا انہوں نے فرمایا کہ ہاں، البتہ آزادعورت سے اجازت طلب کی جائے گی۔ [مصنف ابن ابي شيبه/كتاب النكاح/حدیث: 17443]

حضرت طاوس باندی سے عزل کی اجازت دیتے تھے جبکہ آزاد کے بارے میں کچھ نہیں فرماتے تھے۔ [مصنف ابن ابي شيبه/كتاب النكاح/حدیث: 17444]

حضرت ابن سیرین فرماتے ہیں کہ جب کوئی شخص کنواری باندی خریدے تو اس کے حمل سے پاک ہونے کا یقین کرلینے تک اس کے قریب نہ جائے۔ [مصنف ابن ابي شيبه/كتاب النكاح/حدیث: 17445]

حسن فرماتے ہیں کہ اگر کوئی شخص کنواری باندی خریدے تو اس کے رحم کے خالی ہونے کا یقین کرلے۔ [مصنف ابن ابي شيبه/كتاب النكاح/حدیث: 17446]

حضرت حسن فرماتے ہیں کہ باندی کے حمل سے پاک ہونے کا یقین کرلے خواہ وہ باکرہ ہی کیوں نہ ہو۔ [مصنف ابن ابي شيبه/كتاب النكاح/حدیث: 17447]

حضرت عکرمہ سے بھی یونہی منقول ہے۔ [مصنف ابن ابي شيبه/كتاب النكاح/حدیث: 17448]

حضرت عطاء فرماتے ہیں کہ جو شخص ایسی کنواری باندی خریدے جو اپنے ماں باپ کے پاس رہتی ہو تو دو حیضوں تک اس کے حمل سے پاک ہونے کا یقین کرلے اور اگر اسے حیض نہ آتے ہوں تو پینتالیس دن تک انتظار کرے۔ [مصنف ابن ابي شيبه/كتاب النكاح/حدیث: 17449]