حضرت حکم فرماتے ہیں فیصلہ واپس نہیں لیا جائے گا۔ [مصنف ابن ابي شيبه/كتاب البيوع والأقضية/حدیث: 24026]

حضرت حماد فرماتے ہیں کہ فیصلہ واپس لے لیا جائے گا۔ [مصنف ابن ابي شيبه/كتاب البيوع والأقضية/حدیث: 24027]

حضرت حسن سے مروی ہے کہ دو گواہ گواہی دیں، پھر وہ دونوں رجوع کرلیں، جبکہ حکم نافذ ہوچکا ہو تو فرماتے ہیں کہ حکم رد کردیا جائے گا۔ [مصنف ابن ابي شيبه/كتاب البيوع والأقضية/حدیث: 24028]

حضرت ابو حصین سے مروی ہے کہ ایک شخص نے حضرت شریح کے پاس آ کر گواہی دی، پھر وہ دوبارہ آیا اور گواہی سے رجوع کرلیا، حضرت شریح نے فرمایا: ہم آپ کی شہادت قبول کرچکے ہیں۔ [مصنف ابن ابي شيبه/كتاب البيوع والأقضية/حدیث: 24029]

حضرت سفیان فرماتے ہیں کہ جب حکم جاری ہوجائے تو گواہی بھی جائز ہوگی اور اگر گواہی سے گواہ رجوع کرے تو اس کو ضامن بنایا جائے گا۔ [مصنف ابن ابي شيبه/كتاب البيوع والأقضية/حدیث: 24030]

حضرت مجاہد سے مروی ہے کہ آنحضرت صلی اللہ علیہ وسلم کے دور میں چار آدمیوں نے زراعت میں اشتراک کیا، ان میں سے ایک نے کہا: زمین میری طرف سے، دوسرے نے کہا: بیل میری طرف سے، تیسرے نے کہا: دانہ میری طرف سے، چوتھے نہ کہا: کام سارا میرے ذمہ، جب کھیتی تیار ہوگئی تو وہ مسئلہ دریافت کرنے کے لیے آنحضرت صلی اللہ علیہ وسلم کی خدمت میں حاضر ہوئے۔ آپ علیہ السلام نے دانہ والے کے لئے کھیتی مقرر فرمائی، زمین والے کو کالعدم قرار دیا، بیل والے کے لئے کچھ معلوم حصہ اور کام کرنے والے کے لئے ہر دن کے حساب سے ایک درہم مقرر فرما دیا۔ [مصنف ابن ابي شيبه/كتاب البيوع والأقضية/حدیث: 24031]

حضرت واصل فرماتے ہیں کہ میں نے یہ حدیث حضرت مکحول رحمہ اللہ کو سنائی تو انہوں نے فرمایا: یہ حدیث مجھے ایک غلام سے زیادہ محبوب ہے۔ [مصنف ابن ابي شيبه/كتاب البيوع والأقضية/حدیث: 24032]

حضرت وکیع فرماتے ہیں کہ ہمارے نزدیک زراعت کی پسندیدہ ترین صورتوں میں سے سونے، چاندی اور طعام کے بدلے معاملہ کرنا ہے، اور یہی حضرت سفیان کا قول ہے۔ [مصنف ابن ابي شيبه/كتاب البيوع والأقضية/حدیث: 24033]

حضرت وکیع فرماتے ہیں کہ ہمیں امید ہے کہ مزارعت بالنصف، ثلث اور ربع بھی جائز ہو، کیونکہ لوگ اس پر عمل کرتے ہیں۔ [مصنف ابن ابي شيبه/كتاب البيوع والأقضية/حدیث: 24034]

نبی کریم صلی اللہ علیہ وسلم نے ارشاد فرمایا: بیع کرنے والوں کو الگ ہونے سے پہلے اختیار ہے، الا یہ کہ ان کی بیع میں خیار کی شرط ہو (تب افتراق کے بعد بھی ان کو خیار ہوگا)۔ [مصنف ابن ابي شيبه/كتاب البيوع والأقضية/حدیث: 24035]