حضرت قتادہ سے روایت ہے۔ وہ کہتے ہیں کہ جب تک بچہ کی طرف سے عقیقہ نہ کیا جائے قربانی کفایت نہیں کرتی۔ [مصنف ابن ابي شيبه/كتاب العقيقة/حدیث: 25850]

حضرت قتادہ سے روایت ہے وہ کہتے ہیں کہ جس طرح قربانی پر بسم اللہ پڑھی جاتی ہے اسی طرح عقیقہ پر بسم اللہ پڑھی جائے گی۔ یعنی بسم اللہ فلاں کا عقیقہ ہے۔ [مصنف ابن ابي شيبه/كتاب العقيقة/حدیث: 25851]

حضرت سعید سے روایت ہے۔ وہ کہتے ہیں کہ حضرت قتادہ سے سوال کیا گیا کہ عقیقہ کو کیسے ذبح کیا جائے گا۔؟ انہوں نے جواب دیا۔ آدمی عقیقہ کو قبلہ رُخ کرے پھر اس کے حلق پر چھری چلائے، پھر کہے۔ اے اللہ! تیری جناب سے ہی ملی ہے اور تیرے لیے ہی ذبح ہو رہی ہے۔ فلاں کا عقیقہ ہے۔ بسم اللہ واللہ اکبر پھر اس کو ذبح کر دے۔ [مصنف ابن ابي شيبه/كتاب العقيقة/حدیث: 25852]

حضرت حسن سے روایت ہے کہ حضرت انس بن مالک رضی اللہ عنہاپنے بچوں کی طرف سے اونٹ کو عقیقہ میں ذبح کرتے تھے۔ [مصنف ابن ابي شيبه/كتاب العقيقة/حدیث: 25853]

حضرت عمرو، حضرت حسن اور حضرت محمد کے بارے میں روایت کرتے ہیں کہ وہ دونوں حضرات بچی کی طرف سے عقیقہ کی رائے نہیں رکھتے تھے۔ [مصنف ابن ابي شيبه/كتاب العقيقة/حدیث: 25854]

حضر ت ابو وائل سے روایت ہے، وہ کہتے ہیں کہ بچی کی طرف سے نہ تو عقیقہ کیا جائے گا اور نہ ہی مہمانوں کو بلا کر ان کا اکرام کیا جائے گا۔ [مصنف ابن ابي شيبه/كتاب العقيقة/حدیث: 25855]