سیدنا عبداللہ بن عباس رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا: ”مجھے ننگا ہونے سے منع کیا گیا ہے۔“ یہ نبوت کے نزول سے پہلے کا عمل ہے۔ [سلسله احاديث صحيحه/اللباس والزينة واللهو والصور/حدیث: 2023]

خالد بن معدن کہتے ہیں سیدنا مقدام بن معدیکر ب رضی اللہ عنہ، سیدنا معاویہ رضی اللہ عنہ کے پاس آئے اور کہا: میں تجھے اللہ تعالیٰ کا واسطہ دے کر کہتا ہوں، کیا تو جانتا ہے کہ رسول اللہ صلی اللہ علیہ وسلم نے درندوں کے چمڑوں کے لباس اور ان پر سوار ہونے سے منع فرمایا ہے؟ انہوں نے کہا: جی ہاں۔ [سلسله احاديث صحيحه/اللباس والزينة واللهو والصور/حدیث: 2024]