حذیفہ رضی اللہ عنہ بیان کرتے ہیں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ”کسی مومن کی شان نہیں کہ وہ اپنے آپ کو ذلیل کرے۔“ صحابہ رضی اللہ عنہم نے عرض کیا: وہ اپنے آپ کو کیسے ذلیل کرتا ہے؟ آپ صلی ‌اللہ ‌علیہ ‌وآلہ ‌وسلم نے فرمایا: ”ایسے مصائب کو (دعا یا اعمال کے ذریعے) دعوت دیتا ہے جن کی وہ طاقت نہیں رکھتا۔“ ترمذی، ابن ماجہ، بیہقی فی شعب الایمان، اور امام ترمذی رحمہ اللہ نے فرمایا: یہ حدیث حسن غریب ہے، اسنادہ ضعیف، رواہ الترمذی وابن ماجہ والبیہقی۔ [مشكوة المصابيح/كتاب الدعوات/حدیث: 2503]

عمر رضی اللہ عنہ بیان کرتے ہیں: رسول اللہ صلی ‌اللہ ‌علیہ ‌وآلہ ‌وسلم نے مجھے دعا سکھائی تو فرمایا: ”کہو: «اللَّهُمَّ اجْعَلْ سَرِيرَتِي خَيْرًا مِنْ عَلَانِيَتِي، وَاجْعَلْ عَلَانِيَتِي صَالِحَةً، اللَّهُمَّ إِنِّي أَسْأَلُكَ مِنْ صَالِحِ مَا تُؤْتِي النَّاسَ مِنَ الْمَالِ وَالْأَهْلِ وَالْوَلَدِ، غَيْرَ الضَّالِّ وَلَا الْمُضِلِّ» ”اے اللہ! میرا باطن، میرے ظاہر سے بہتر کر دے اور میرے ظاہر کو صالح بنا دے، اے اللہ! تو نے جو لوگوں کو اہل و مال اور اولاد دے رکھی ہے مجھے اس سے صالح عطا فرما، جو خود گمراہ ہوں نہ گمراہ کن۔““ اسنادہ ضعیف، رواہ الترمذی۔ [مشكوة المصابيح/كتاب الدعوات/حدیث: 2504]