الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
خرید و فروخت کے احکام و مسائل
حدیث نمبر: 441 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”میں قیامت کے دن تم میں سے کسی کو اس حال میں نہ پاؤں کہ اس نے اپنی گردن پر اونٹ اٹھا رکھا ہو اور وہ بلبلا رہا ہو۔“ پس راوی نے حدیث کے آخر تک اس کے مثل ذکر کیا، لیکن اس کا اول حصہ ذکر نہ کیا۔
تخریج الحدیث: «السابق»
7. لونڈیوں (کی بدکاری) کی کمائی حرام ہے
حدیث نمبر: 442 |
|
سیدنا ابوہریرہ رضی اللہ عنہ نے بیان کیا: رسول اللہ صلی اللہ علیہ وسلم نے باندیوں (کی بدکاری) کی کمائی سے منع فرمایا ہے۔
تخریج الحدیث: «بخاري، كتاب الاجارة، باب كسب البغي والاما، رقم: 2283. سنن ابوداود، كتاب الاجارة، باب فى الاما، رقم: 3425. مسند احمد: 287/2. صحيح ابن حبان، رقم: 5158، سنن دارمي، رقم: 3602.»
حدیث نمبر: 443 |
|
سیدنا ابوہریرہ رضی اللہ عنہ بیان کرتے ہیں، رسول اللہ صلی اللہ علیہ وسلم نے باندیوں کی کمائی سے منع فرمایا ہے۔
تخریج الحدیث: «السابق»
8. میت کے قرض کی ادائیگی کی وضاحت
حدیث نمبر: 444 |
|
سیدنا ابوہریرہ رضی اللہ عنہ نے کہا: رسول اللہ صلی اللہ علیہ وسلم نے فرمایا: ”جو مال چھوڑ کر فوت ہو تو وہ اس کے وارثوں کے لیے ہے اور جو قرض چھوڑ جائے تو وہ ہمارے ذمے ہے۔“
تخریج الحدیث: «بخاري، كتاب الكفالة، باب الدين، رقم: 2298. سنن ابوداود، رقم: 2900. مسند احمد: 287/2. صحيح ابن حبان، رقم: 5054.»
9. قیمت بڑھانے کے لیے بولی لگانا جائز نہیں
حدیث نمبر: 445 |
|
سیدنا ابوہریرہ رضی اللہ عنہ سے روایت ہے کہ آپ صلی اللہ علیہ وسلم نے تجارتی قافلوں کو منڈی تک پہنچنے سے پہلے راستوں میں جا کر ملنے، محض قیمت بڑھانے کے لیے بولی لگانے اور دودھیل جانوروں کا دودھ روکنے سے منع فرمایا ہے، اور یہ کہ عورت اپنی (مسلمان) بہن کی طلاق کا مطالبہ نہ کرے اور یہ کہ آدمی اپنے (مسلمان) بھائی کے نرخ پر نرخ نہ لگائے۔
تخریج الحدیث: «بخاري، كتاب الشروط، باب الشروط فى الطلاق، رقم: 2727. مسلم، كتاب البيوع، باب تحريم بيع الرجل على بيع اخيه الخ، رقم: 1515. سنن نسائي، رقم: 4502.»
10. سود کی اقسام کا بیان
حدیث نمبر: 446 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”چاندی چاندی کے بدلے میں برابر برابر ہم وزن بیع کی جائے، پس جو زائد ہو تو وہ سود ہے اور سونا سونے کے بدلے میں برابر برابر ہم وزن بیع کیا جائے پس جو زیادہ ہو تو وہ سود ہے اور کھجوروں کی بیع نہ کی جائے حتیٰ کہ ان (کے پکنے) کی صلاحیت ظاہر ہو جائے۔“
تخریج الحدیث: «مسلم، كتاب المساقاة، باب الصرف وبيع الذهب بالورق..، رقم: 1588. سنن ترمذي، رقم: 1240. سنن نسائي، رقم: 4569. مسند احمد: 262/2.»
11. چوری کا مال خریدنے والے کا گناہ
حدیث نمبر: 447 |
|
اہل مدینہ کے ایک شخص نے کہا:، رسول اللہ صلی اللہ علیہ وسلم نے فرمایا: ”جس نے چوری کا مال خریدا جبکہ وہ جانتا ہے کہ وہ چوری کا مال ہے تو وہ اس کے عار اور گناہ میں برابر کا شریک ہے۔“
تخریج الحدیث: «ضعيف الجامع الصغير، رقم: 5421. مستدرك حاكم: 41/2. ضعيف ترغيب وترهيب، رقم: 1074.»
حدیث نمبر: 448 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”جس نے یہ جانتے ہوئے کہ یہ چوری کا مال ہے چوری کا مال خریدا تو وہ اس کے عار اور گناہ میں برابر کا شریک ہے۔“
تخریج الحدیث: «السابق: اس ميں مسلم بن خالد رنجي، صدوق كثير الاوهام هے. (تقريب التهذيب: 6625) شرحبيل مولي انصار بهي ضعيف هے. (تهذيب: 2764)»
12. کھانے اور غلام کی بیع
حدیث نمبر: 449 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”دو بیع بری ہیں، کھانے اور غلام کی بیع۔“
تخریج الحدیث: «مصنب ابن ابي شيبة، فى التفريق بين الوالدو والده، رقم: 2283 بلفظ انماكر هوا بيع الرقيق، بخاري ميں بهي 'باب الرقيق' هے. مذكوره روايت كے الفاظ مسند اسحاق كے هيں، والله اعلم.»
13. نیلامی کا بیان
حدیث نمبر: 450 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے تین چیزوں میراث، شراکت اور بیع الغنائم کے علاوہ دیگر چیزوں میں نیلامی سے منع فرمایا ہے۔
تخریج الحدیث: «مسند احمد: 71/2. قال شعيب الارناوط: اسناده ضعيف. سنن دارقطني: 11/3.»