الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
خرید و فروخت کے احکام و مسائل
22. بیع سلم اور بیع سلف کا بیان
حدیث نمبر: 461 |
|
سیدنا ابن عباس رضی اللہ عنہما نے بیان کیا: رسول اللہ صلی اللہ علیہ وسلم مدینہ تشریف لائے تو وہاں کے لوگ سال، دو سال یا تین سال کے لیے پھلوں کی پیشگی رقم دے کر بیع کیا کرتے تھے، تو رسول اللہ صلی اللہ علیہ وسلم نے فرمایا: ”جو شخص کھجوروں کی بیع سلف کرے تو وہ معین ناپ اور معین وقت تک کے لیے کرے۔“
تخریج الحدیث: «بخاري، كتاب لابيوع، باب السلم، فى وزن معلوم، رقم: 2240. مسلم، كتاب المساقاة، باب السلم، رقم: 1604. سنن ابوداود، رقم: 3463. سنن ترمذي، رقم: 1311. سنن نسائي، رقم: 4616. سنن ابن ماجه، رقم: 2280. مسند احمد: 222/1.»
حدیث نمبر: 462 |
|
ابن ابی نجیح نے اس اسناد سے اسی حدیث سابق کی مثل روایت کیا ہے۔
تخریج الحدیث: «السابق»
حدیث نمبر: 463 |
|
ابن ابی نجیح نے اس اسناد سے اسی سابقہ حدیث کی مثل روایت کیا ہے۔
تخریج الحدیث: «السابق»
حدیث نمبر: 464 |
|
ابوالمنہال نے سیدنا ابن عباس رضی اللہ عنہما کے حوالے سے اسی کی مثل روایت کیا ہے۔
تخریج الحدیث: «السابق»
23. شراکت دار شفعہ کا حق رکھتا ہے
حدیث نمبر: 465 |
|
ابن ابی ملیکہ نے بیان کیا کہ رسول اللہ صلی اللہ علیہ وسلم نے فرمایا: ”شراکت دار شفیع ہوتا (شفعہ کا حق رکھتا) ہے اور شفعہ ہر چیز میں ہوتا ہے۔“ عطاء رحمہ اللہ نے فرمایا: وہ (شفعہ) صرف زمین میں ہوتا ہے، تو ابن ابی ملیکہ نے کہا: نہیں، تجھے کیا پتہ ہے۔
تخریج الحدیث: «سنن ترمذي، رقم: 1371. معجم طبراني كبير: 123/11. ضعيف الجامع الصغير، رقم: 3435. سلسلة ضعيفة، رقم: 1009.»
حدیث نمبر: 466 |
|
ابن ابی ملیکہ بیان کرتے ہیں کہ رسول اللہ صلی اللہ علیہ وسلم نے فرمایا: ”شفعہ غلام میں اور ہر چیز میں ہوتا ہے۔“
تخریج الحدیث: «السابق»
حدیث نمبر: 467 |
|
سیدنا ابن عباس رضی اللہ عنہما نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”شراکت دار حق شفعہ والا ہوتا ہے اور شفعہ ہر چیز میں ہوتا ہے۔“
تخریج الحدیث: «السابق»
24. قرض کے لیے کوئی چیز گروی رکھنے کا بیان
حدیث نمبر: 468 |
|
سیدنا ابن عباس رضی اللہ عنہما نے بیان کیا: رسول اللہ صلی اللہ علیہ وسلم نے وفات پائی تو آپ صلی اللہ علیہ وسلم کی زرہ تیس صاع جو کے عوض، جو کہ آپ نے اپنے اہل خانہ کے کھانے کے واسطے لیے تھے، ایک یہودی شخص کے ہاں گروی تھی۔
تخریج الحدیث: «سنن ترمذي، ابواب البيوع، باب ماجاء فى الرخصة فى الشرا الي اجل، رقم: 1214. قال الشيخ الالباني: صحيح. مسند احمد: 300/1. سنن ابن ماجه، رقم: 2439. سنن كبري بيهقي: 36/6.»