الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
كتاب
52. بَابُ بِرِّ الأَبِ لِوَلَدِهِ
52. اولاد سے والد کے حسن سلوک کا بیان
حدیث نمبر: 94 |
|
سیدنا ابن عمر رضی اللہ عنہما سے مروی ہے، انہوں نے فرمایا: اللہ تعالیٰ نے ان کا نام (قرآن میں) ابرار رکھا ہے، کیونکہ انہوں نے اپنے آباء و اجداد اور بچوں سے حسن سلوک کیا ہے۔ جس طرح تیرے والدین کا تجھ پر حق ہے، اسی طرح تیری اولاد کا بھی تجھ پر حق ہے۔
تخریج الحدیث: «ضعيف: رواه الطبراني فى الكبير مرفوعًا: 13814 و أبونعيم فى الحلية: 32/10 - الضعيفة: 3221»
قال الشيخ الألباني: ضعيف
53. بَابُ مَنْ لا يَرْحَمُ لا يُرْحَمُ
53. جو رحم نہیں کرتا اس پر رحم نہیں کیا جائے گا
حدیث نمبر: 95 |
|
سیدنا ابوسعید (خدری) رضی اللہ عنہ سے روایت ہے، وہ نبی صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ”جو رحم نہیں کرتا اس پر رحم نہیں کیا جاتا۔“
تخریج الحدیث: «صحيح: أخرجه الترمذي، الزهد، باب ما جاء فى الرياء السمعة: 2381 و أحمد: 11362 - تخريج مشكلة الفقر: 108»
قال الشيخ الألباني: صحيح
حدیث نمبر: 96 |
|
سیدنا جریر بن عبداللہ (بجلی) رضی اللہ عنہ سے روایت ہے، انہوں نے کہا کہ رسول اللہ صلی اللہ علیہ وسلم نے فرمایا: ”اللہ اس پر رحم نہیں فرماتا جو لوگوں پر رحم نہیں کرتا۔“
تخریج الحدیث: «صحيح: أخرجه مسلم، الفضائل، باب رحمته صلى الله عليه وسلم الصبيان و العيال و تواضعه و فضل ذلك: 2319 و الترمذي: 1922 و البخاري: 7376»
قال الشيخ الألباني: صحيح
حدیث نمبر: 97 |
|
سیدنا جریر بن عبداللہ رضی اللہ عنہ سے (ایک دوسری سند سے) مروی ہے، انہوں نے کہا کہ رسول اللہ صلی اللہ علیہ وسلم نے فرمایا: ”جو لوگوں پر رحم نہیں کرتا اللہ اس پر رحم نہیں کرے گا۔“
تخریج الحدیث: «صحيح: انظر ما قبله»
قال الشيخ الألباني: صحيح
حدیث نمبر: 98 |
|
سیدنا عائشہ رضی اللہ عنہا سے روایت ہے، وہ فرماتی ہیں کہ کچھ دیہاتی لوگ نبی صلی اللہ علیہ وسلم کے پاس آئے تو ان میں سے ایک شخص نے کہا: اے اللہ کے رسول! آپ بچوں کو بوسہ دیتے ہیں؟ اللہ کی قسم! ہم تو انہیں بوسہ نہیں دیتے۔ رسول اللہ صلی اللہ علیہ وسلم نے فرمایا: ”میں کیا کر سکتا ہوں اگر اللہ نے تیرے دل سے رحمت نکال دی ہے۔“
تخریج الحدیث: «صحيح: تقدم برقم: 90»
قال الشيخ الألباني: صحيح
حدیث نمبر: 99 |
|
سیدنا ابوعثمان رضی اللہ عنہ سے روایت ہے کہ سیدنا عمر رضی اللہ عنہ نے ایک شخص کو عامل مقرر کیا تو (ایک روز) اس نے کہا: میرے اتنے اتنے بچے ہیں، میں نے ان میں سے کبھی کسی کو بوسہ نہیں دیا۔ سیدنا عمر رضی اللہ عنہ نے فرمایا: بلاشبہ اللہ عزوجل صرف حقوق ادا کرنے والوں پر رحم فرماتا ہے۔
تخریج الحدیث: «حسن: أخرجه عبدالرزاق: 20590 و ابن أبى الدنيا فى العيال: 255 و الدينوري فى المجالسة: 325/6 و البيهقي فى الكبرىٰ: 72/9»
قال الشيخ الألباني: حسن
54. بَابُ الرَّحْمَةُ مِئَةُ جُزْءٍ
54. رحمت کے سو حصے ہونے کا بیان
حدیث نمبر: 100 |
|
سیدنا ابوہریرہ رضی اللہ عنہ سے روایت ہے، انہوں نے کہا کہ میں نے رسول اکرم صلی اللہ علیہ وسلم کو فرماتے ہوئے سنا: ”اللہ عزوجل نے رحمت کے سو حصے کیے تو ننانوے اپنے پاس رکھ لیے اور ایک حصہ زمین میں اتارا۔ اسی ایک حصے سے مخلوق ایک دوسرے پر رحم کرتی ہے حتی کہ گھوڑی اپنے بچے سے پاؤں اٹھا لیتی ہے تاکہ اسے تکلیف نہ ہو۔“
تخریج الحدیث: «صحيح: أخرجه البخاري، الأدب، باب جعل الله الرحمة مائة جزه: 6000 و مسلم: 2752 و الترمذي: 3541 و ابن ماجه: 4293»
قال الشيخ الألباني: صحيح