الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
علاج کرنا اور تیماردار کرنا
रोग का इलाज और रोगी की देखभाल
حدیث نمبر: 1617 |
|
سیدنا عبداللہ بن مسعود رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”اللہ تعالی نے جو بیماری نازل کی اس کی دوا بھی اتاری، کسی کو اس کا علم ہو گیا اور کسی کو نہ ہو سکا۔“
حدیث نمبر: 1618 |
|
سیدنا ابوسعید خدری رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”بیشک اللہ تعالیٰ نے جو بیماری نازل کی، اس کی دوا بھی پیدا کی، بعض کو اس کا علم ہو گیا اور بعض کو نہ ہو سکا، ماسوائے «سام» کے۔“ انہوں نے کہا: «سام» کیا ہے؟ آپ صلی اللہ علیہ وسلم نے فرمایا: ”موت ہے۔“
حدیث نمبر: 1619 |
|
سیدنا ابودردا رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”بیشک اللہ تعالیٰ نے بیماری اور اس کی شفا دونوں چیزیں نازل کی ہیں، اس لیے تم علاج کیا کرو، لیکن حرام چیز کو بطور دوا استعمال نہ کرو۔“
حدیث نمبر: 1620 |
|
ایک انصاری صحابی کہتے ہیں کہ رسول اللہ صلی اللہ علیہ وسلم ایک زخمی کی تیمارداری کرنے کے لیے تشریف لے گئے اور فرمایا: ”اس کے لیے فلاں قبیلے کا طبیب بلاؤ۔“ انہوں نے اسے بلایا، وہ آ گیا اور کہنے لگا: اے اللہ کے رسول! کیا دوا بھی کفایت کرتی ہے؟ آپ صلی اللہ علیہ وسلم نے فرمایا: ”سبحان اللہ! اللہ تعالیٰ نے زمین میں جو بیماری نازل کی ہے، اس سے شفا حاصل کرنے کے لیے (دوا بھی) نازل کی ہے۔“
1098. اہلیت کے بغیر علاج کرنا منع ہے
“ इलाज की जानकारी न हो तो इलाज नहीं करना चाहिए ”
حدیث نمبر: 1621 |
|
سیدنا عبداللہ بن عمرو رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”جس نے (ڈاکٹری کے کامل علم کے بغیر) علاج کیا اور اس کی طب معروف نہیں تھی تو وہ (نقصان ہونے کی صورت میں) خود ذمہ دار ہو گا۔“
1099. حرام سے شفا حاصل کرنا
“ हराम चीज़ से इलाज करना ”
حدیث نمبر: 1622 |
|
سیدنا ابوہریره رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”جس نے حرام چیز کے ساتھ علاج کیا، اللہ تعالیٰ اس کے لیے اس میں شفا نہیں بنائے گا۔“
حدیث نمبر: 1623 |
|
سیدنا ابو دردا رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”بیشک اللہ تعالیٰ نے بیماری اور اس کی شفا دونوں چیزیں نازل کی ہیں، اس لیے تم علاج کیا کرو، لیکن حرام چیز کو بطور دوا استعمال نہ کرو۔“
1100. آپ صلی اللہ علیہ وسلم کے تھوک میں شفا تھی
“ आप ﷺ के थूक में शिफ़ा थी ”
حدیث نمبر: 1624 |
|
سیدنا عبداللہ بن بریدہ کہتے ہیں کہ میں نے اپنے باپ سے سنا، وہ کہہ رہے تھے کہ سیدنا عمرو بن معاذ رضی اللہ عنہ کی ٹانگ کٹ گئی تھی، جب آپ صلی اللہ علیہ وسلم نے اس پر تھوکا تو وہ شفایاب ہو گئی۔“
1101. کلونجی میں شفا ہے
“ कलोंजी में शिफ़ा है ”
حدیث نمبر: 1625 |
|
سیدنا اسامہ بن شریک رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”کالے دانے یعنی کلونجی میں موت کے علاوہ ہر بیماری کا علاج ہے۔“
حدیث نمبر: 1626 |
|
سیدنا ابوہریرہ رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”کالے دانے یعنی کلونجی میں موت کے علاوہ ہر بیماری کی شفا ہے۔“