الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
احادیث201 سے 400
169. الرِّزْقُ أَشَدُّ طَلَبًا لِلْعَبْدِ مِنْ أَجَلِهِ
169. رزق بندے کو اس کی موت سے بھی زیادہ شدت کے ساتھ طلب کرتا ہے
حدیث نمبر: 241 |
|
سیدہ ام درداء رضی اللہ عنہاکہتی ہیں کہ رسول اللہ صلی اللہ علیہ وسلم نے فرمایا: ”رزق بندے کو اس کی موت سے بھی زیادہ شدت کے ساتھ طلب کرتا ہے۔“
تخریج الحدیث: «إسناده ضعيف، وأخرجه ابن الاعرابي: 232، والسنة لابن ابي عاصم 264» اس میں ولید بن مسلم ہے جو تدلیس تسویہ کرتا تھا۔ یہاں اس نے مسلسل سماع کی صراحت نہیں کی۔
170. الرِّفْقُ فِي الْمَعِيشَةِ خَيْرٌ مِنْ بَعْضِ التِّجَارَةِ
170. معیشت میں نرمی بعض تجارت سے بہتر ہے
حدیث نمبر: 242 |
|
حجاج بن سلیمان رعینی کہتے ہیں کہ میں نے ابن لہیعہ سے کہا: معیشت میں نرمی بعض تجارت سے بہتر ہے۔ یہ ایک ایسی بات ہے جسے میں اپنی بزرگ عورتوں کو کہتے سنتا ہوں۔ تو انہوں نے کہا: مجھے محمد بن منکدر نے سیدنا جابر رضی اللہ عنہ کے حوالے سے بیان کیا کہ انہوں نے نبی صلی اللہ علیہ وسلم کو یہ فرماتے سنا: ”معیشت میں نرمی بعض تجارت سے بہتر ہے۔“
تخریج الحدیث: «إسناده ضعيف، وأخرجه شعب الايمان: 6136» ابن لہیعہ مدلس و مختلط ہے۔ اس میں اور بھی علتیں ہیں۔
171. التَّاجِرُ الْجَبَانُ مَحْرُومٌ، وَالتَّاجِرُ الْجَسُورُ مَرْزُوقٌ
171. بزدل تاجر محروم رہتا ہے اور جرات مند تاجر پا لیتا ہے
حدیث نمبر: 243 |
|
سیدنا انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بزدل تاجر محروم رہتا ہے اور جرات مند تاجر پا لیتا ہے۔“
تخریج الحدیث: إسناده ضعيف جدا، عمر بن خطاب اور علی بن حسین بن اسماعیل کی توثیق نہیں ملی۔ تفصیل کے لیے دیکھیں: «السلسلة الضعيفة: 2024»
172. حَسَنُ الْمَلَكَةِ نَمَاءٌ وَسُوءُ الْمَلَكَةِ شُؤْمٌ
172. وش اخلاقی ترقی (کا باعث ہے) اور بداخلاقی نحوست ہے
حدیث نمبر: 244 |
|
سیدنا رافع رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”خوش اخلاقی ترقی (کا باعث ہے) اور بداخلاقی نحوست ہے۔“
تخریج الحدیث: إسناده ضعیف، دیکھئے حدیث نمبر 97۔
حدیث نمبر: 245 |
|
سیدنا رافع بن مکیث جو کہ حدیبیہ میں حاضر ہونے والے صحابہ میں سے ہیں، نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”خوش اخلاقی ترقی (کا باعث) ہے اور بداخلاقی نحوست ہے۔ نیکی عمر میں اضافے (کا باعث) ہے اور صدقہ بری موت کو روکتا ہے۔“
تخریج الحدیث: إسناده ضعیف، دیکھئے حدیث نمبر 97۔
173. فُضُوحُ الدُّنْيَا أَهْوَنُ مِنْ فُضُوحِ الْآخِرَةِ
173. دنیا کی رسوائی آخرت کی رسوائی سے ہلکی ہے
حدیث نمبر: 246 |
|
سیدنا ابن عباس رضی اللہ عنہ اپنے بھائی سیدنا فضل بن عباس رضی اللہ عنہ سے روایت کرتے ہیں، انہوں نے کہا: کہ رسول اللہ صلی اللہ علیہ وسلم نے فرمایا: ”دنیا کی رسوائی آخرت کی رسوائی سے ہلکی ہے۔“
تخریج الحدیث: «منكر، وأخرجه المعجم الكبير: رقم 718، جز: 18» اہل علم نے اسے متعدد وجوہ کی بنا پر منکر کہا: ہے۔ دیکھئے: «السلسلة الضعيفة: 6297»
174. الْقَبْرُ أَوَّلُ مَنْزِلٍ مِنْ مَنَازِلِ الْآخِرَةِ
174. قبرآخرت کی منزلوں میں سے پہلی منزل ہے
حدیث نمبر: 247 |
|
سیدنا عثمان رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”قبرآخرت کی منزلوں میں سے پہلی منزل ہے۔“
تخریج الحدیث: «إسناده حسن، وأخرجه ترمذي: 2308، وابن ماجه: 4267،»
حدیث نمبر: 248 |
|
سیدنا عثمان کے آزاد کردہ غلام ہانی کہتے ہیں کہ سیدنا عثمان رضی اللہ عنہ جب کسی قبر کے پاس کھڑے ہوتے تو اتنا روتے کہ آپ کی داڑھی بھیگ جاتی۔ ہانی کہتے ہیں کہ ان سے کہا جاتا: آپ کے سامنے جنت اور جہنم کا ذکر کیا جاتا ہے تو (اتنا) نہیں روتے اور اس (قبر) سے (اس قدر) روتے ہیں؟ تو انہوں نے کہا: بے شک رسول اللہ صلی اللہ علیہ وسلم نے فرمایا: ”بے شک قبر آخرت کی منزلوں میں سے پہلی منزل ہے۔“ اور یہ حدیث بیان کی۔
تخریج الحدیث: «إسناده حسن، وأخرجه ترمذي: 2308، وابن ماجه: 4267،»
وضاحت:
تشریح: -
”قبر آخرت کی منزلوں میں سے پہلی منزل ہے۔“ مرنے کے بعد قبر، حشر، میزان اور پل صراط و غیرہ بہت سی منزلیں ہیں جہاں سے انسان نے گزرنا ہے لیکن ان تمام منزلوں کا پتا قبر سے چل جاتا ہے، اگر یہ پہلی منزل خیریت کے ساتھ گزرگئی اور فتنہ قبر میں کامیابی مل گئی تو دوسری منزلیں بھی آسانی سے گزر جائیں گی اور اگر یہیں معاملہ مشکل ہو گیا تو بعد والے مراحل اس سے بھی زیادہ سخت اور ہولناک ہوں گے۔ اللہ تعالیٰ ٰ رحم کا معاملہ فرمائے۔
تشریح: -
”قبر آخرت کی منزلوں میں سے پہلی منزل ہے۔“ مرنے کے بعد قبر، حشر، میزان اور پل صراط و غیرہ بہت سی منزلیں ہیں جہاں سے انسان نے گزرنا ہے لیکن ان تمام منزلوں کا پتا قبر سے چل جاتا ہے، اگر یہ پہلی منزل خیریت کے ساتھ گزرگئی اور فتنہ قبر میں کامیابی مل گئی تو دوسری منزلیں بھی آسانی سے گزر جائیں گی اور اگر یہیں معاملہ مشکل ہو گیا تو بعد والے مراحل اس سے بھی زیادہ سخت اور ہولناک ہوں گے۔ اللہ تعالیٰ ٰ رحم کا معاملہ فرمائے۔
175. الصَّبْرُ عِنْدَ الصَّدْمَةِ الْأُولَى
175. صبر پہلی چوٹ کے وقت ہے
حدیث نمبر: 249 |
|
سیدنا انس بن مالک رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”صبر پہلی چوٹ کے وقت ہے۔“
تخریج الحدیث: «إسناده صحيح، وأخرجه البخاري: 1302، ومسلم: 926، وأبو داود: 3124، وترمذي: 988،- والنسائي: 1870، وابن ماجه: 1596»
وضاحت:
تشریح: -
سیدنا انس رضی اللہ عنہ کہتے ہیں کہ نبی صلی اللہ علیہ وسلم ایک عورت کے پاس سے گزرے جو اپنے بچے (کی قبر) پر رو رہی تھی، آپ نے اسے فرمایا: ”تقویٰ اختیار کر اور صبر کر۔“ اس نے کہا: تمہیں میری مصیبت کی کیا پروا؟ اسے بتایا گیا کہ یہ تو نبی صلی اللہ علیہ وسلم تھے، تب وہ آپ کی خدمت میں حاضر ہوئی، اس نے آپ کے دروازے پر کوئی چوکیدار نہ پایا۔ عرض کرنے لگی: اللہ کے رسول! میں نے آپ کو پہچانا نہیں تھا، تو آپ صلی اللہ علیہ وسلم نے فرمایا: ”صبر پہلی چوٹ کے وقت ہی ہے۔“ [ابوداود: 3124، صحيح]
آپ کے اس فرمان کا مطلب یہ ہے کہ صبر وہی معتبر ہے اور اللہ کے ہاں اسی صبر کی قدرومنزلت ہے جو مصیبت آتے ہی کیا جائے۔ پہلے رو پیٹ لینا، جزع فزع کر لینا اور جب تھک ہار جاتا تو کہنا کہ میں نے صبر کیا؟ یہ صبر نہیں، بلکہ مجبوری ہے جس کے بغیر کوئی چارہ نہیں کیونکہ جزع فزع ہمیشہ تو نہیں رہ سکتے، آخر انہیں ختم ہونا ہی ہوتا ہے، اس لیے اسے صبر نہیں کہا جائے گا۔ صبر صرف وہی ہے جو پہلی چوٹ کے وقت کیا جائے اسی صبر کا ہمیں حکم دیا گیا ہے اور یہی صبر اجر وثواب کا باعث ہے۔
تشریح: -
سیدنا انس رضی اللہ عنہ کہتے ہیں کہ نبی صلی اللہ علیہ وسلم ایک عورت کے پاس سے گزرے جو اپنے بچے (کی قبر) پر رو رہی تھی، آپ نے اسے فرمایا: ”تقویٰ اختیار کر اور صبر کر۔“ اس نے کہا: تمہیں میری مصیبت کی کیا پروا؟ اسے بتایا گیا کہ یہ تو نبی صلی اللہ علیہ وسلم تھے، تب وہ آپ کی خدمت میں حاضر ہوئی، اس نے آپ کے دروازے پر کوئی چوکیدار نہ پایا۔ عرض کرنے لگی: اللہ کے رسول! میں نے آپ کو پہچانا نہیں تھا، تو آپ صلی اللہ علیہ وسلم نے فرمایا: ”صبر پہلی چوٹ کے وقت ہی ہے۔“ [ابوداود: 3124، صحيح]
آپ کے اس فرمان کا مطلب یہ ہے کہ صبر وہی معتبر ہے اور اللہ کے ہاں اسی صبر کی قدرومنزلت ہے جو مصیبت آتے ہی کیا جائے۔ پہلے رو پیٹ لینا، جزع فزع کر لینا اور جب تھک ہار جاتا تو کہنا کہ میں نے صبر کیا؟ یہ صبر نہیں، بلکہ مجبوری ہے جس کے بغیر کوئی چارہ نہیں کیونکہ جزع فزع ہمیشہ تو نہیں رہ سکتے، آخر انہیں ختم ہونا ہی ہوتا ہے، اس لیے اسے صبر نہیں کہا جائے گا۔ صبر صرف وہی ہے جو پہلی چوٹ کے وقت کیا جائے اسی صبر کا ہمیں حکم دیا گیا ہے اور یہی صبر اجر وثواب کا باعث ہے۔
176. دَفْنُ الْبَنَاتِ مِنَ الْمَكْرُمَاتِ
176. بیٹیوں کو (موت کے بعد) دفنانا عزت و شرف کاباعث ہے
حدیث نمبر: 250 |
|
سیدنا ابن عباس رضی اللہ عنہ کہتے ہیں کہ جب رسول اللہ صلی اللہ علیہ وسلم کی بیٹی سیدہ رقیہ رضی اللہ عنہاکی تعزیت کی گئی جو سیدنا عثمان بن عفان رضی اللہ عنہ کی بیوی تھیں تو آپ صلی اللہ علیہ وسلم نے فرمایا: ”سب تعریف اللہ کے لیے ہے، بیٹیوں کو (موت کے بعد) دفنانا عزت و شرف کاباعث ہے۔“
تخریج الحدیث: «إسناده ضعيف، وأخرجه المعجم الاوسط: 2263، وتاريخ دمشق: 3/ 150، وتاريخ مدينة السلام: 6/ 227» عثمان بن عطاء خراسانی اور عراک بن خالد بن یزید ضعیف ہیں۔ اس میں اور بھی علتیں ہیں، دیکھیے: «السلسلة الضعيفة: 185»