«وَعَنْ» اور سے – «جَابِرِ بْنِ عَبْدِ اللَّهِ» جابر بن عبداللہ – «رَضِيَ اللَّهُ عَنْهُمَا» اللہ ان دونوں سے راضی ہو – «أَنَّ» کہ – «رَسُولَ اللَّهِ» اللہ کے رسول – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «قَامَ» نے قیام کیا – «فِي شَهْرِ رَمَضَانَ» رمضان کے مہینے میں – «ثُمَّ انْتَظَرُوهُ» پھر انہوں نے آپ کا انتظار کیا – «مِنَ الْقَابِلَةِ» اگلی رات – «فَلَمْ يَخْرُجْ» تو آپ باہر تشریف نہ لائے – «وَقَالَ» اور فرمایا: – «إِنِّي خَشِيتُ» بے شک میں ڈرا – «أَنْ يُكْتَبَ» کہ فرض کر دیا جائے – «عَلَيْكُمُ» تم پر – «الْوِتْرُ» وتر۔ – «رَوَاهُ» اسے روایت کیا – «ابْنُ حِبَّانَ» ابن حبان نے۔
اور سیدنا جابر بن عبداللہ رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے رمضان کے مہینے میں (رات کا) قیام فرمایا، پھر اگلی رات لوگوں نے آپ کا انتظار کیا لیکن آپ باہر تشریف نہ لائے اور فرمایا: ”مجھے اندیشہ ہوا کہ کہیں تم پر وتر فرض نہ کر دیا جائے۔“ اسے ابن حبان نے روایت کیا ہے۔ [بلوغ المرام/حدیث: 295]