«عَنْ» سے – «عَبْدِ اللَّهِ بْنِ عَمْرٍو» عبداللہ بن عمرو – «وَأَبِي هُرَيْرَةَ» اور ابو ہریرہ – «رَضِيَ اللَّهُ عَنْهُمْ» اللہ ان سے راضی ہو – «أَنَّهُمَا» کہ ان دونوں نے – «سَمِعَا» سنا – «رَسُولَ اللَّهِ» اللہ کے رسول کو – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «يَقُولُ» فرماتے ہوئے – «عَلَى أَعْوَادِ» لکڑیوں پر – «مِنْبَرِهِ» اپنے منبر کی: – «لَيَنْتَهِيَنَّ» ضرور باز آ جائیں – «أَقْوَامٌ» کچھ لوگ – «عَنْ وَدْعِهِمُ» اپنے چھوڑ دینے سے – «الْجُمُعَاتِ» جمعوں کو – «أَوْ» ورنہ – «لَيَخْتِمَنَّ» ضرور مہر لگا دے گا – «اللَّهُ» اللہ – «عَلَى قُلُوبِهِمْ» ان کے دلوں پر – «ثُمَّ» پھر – «لَيَكُونُنَّ» وہ ضرور ہو جائیں گے – «مِنَ الْغَافِلِينَ» غافلوں میں سے۔ – «رَوَاهُ» اسے روایت کیا – «مُسْلِمٌ» مسلم نے۔
سیدنا عبداللہ بن عمرو اور سیدنا ابو ہریرہ رضی اللہ عنہم سے روایت ہے کہ ان دونوں نے رسول اللہ صلی اللہ علیہ وآلہ وسلم کو اپنے منبر کی لکڑیوں پر (کھڑے ہو کر) فرماتے سنا: ”لوگ جمعے چھوڑنے سے ضرور باز آ جائیں، ورنہ اللہ ان کے دلوں پر مہر لگا دے گا، پھر وہ ضرور غافلوں میں سے ہو جائیں گے۔“ اسے مسلم نے روایت کیا ہے۔ [بلوغ المرام/حدیث: 354]