«وَعَنْ» اور سے – «أَبِي هُرَيْرَةَ» ابو ہریرہ – «رَضِيَ اللَّهُ عَنْهُ» اللہ ان سے راضی ہو – «قَالَ» (انہوں نے) کہا: – «قَالَ» فرمایا – «رَسُولُ اللَّهِ» اللہ کے رسول نے – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «شَرُّ الطَّعَامِ» سب سے برا کھانا – «طَعَامُ الْوَلِيمَةِ» اس ولیمے کا کھانا ہے – «يُمْنَعُهَا» جس سے روکا جاتا ہے – «مَنْ يَأْتِيهَا» اسے جو اس میں آنا چاہتا ہے – «وَيُدْعَى إِلَيْهَا» اور اس کی طرف بلایا جاتا ہے – «مَنْ يَأْبَاهَا» اسے جو اس سے انکار کرتا ہے – «وَمَنْ لَمْ يُجِبِ» اور جس نے قبول نہ کی – «الدَّعْوَةَ» دعوت – «فَقَدْ عَصَى» تو یقیناً اس نے نافرمانی کی – «اللَّهَ وَرَسُولَهُ» اللہ اور اس کے رسول کی۔ – «أَخْرَجَهُ» اسے روایت کیا – «مُسْلِمٌ» مسلم نے۔
اور سیدنا ابو ہریرہ رضی اللہ عنہ سے روایت ہے، انہوں نے کہا: رسول اللہ صلی اللہ علیہ وآلہ وسلم نے فرمایا: ”سب سے برا کھانا اس ولیمے کا کھانا ہے جس میں آنے والوں (محتاجوں) کو روکا جائے اور انکار کرنے والوں (مالداروں) کو بلایا جائے، اور جس نے دعوت قبول نہ کی اس نے اللہ اور اس کے رسول کی نافرمانی کی۔“ اسے مسلم نے روایت کیا ہے۔ [بلوغ المرام/حدیث: 894]