سیدنا جابر بن عبداللہ انصاری سے روایت ہے انہوں نے کہا کہ نبی صلی اللہ علیہ وسلم نے فرمایا: ”جس کے ساتھ نیکی کی جائے اسے چاہیے کہ اس کا بدلہ دے، اگر کوئی ایسی چیز نہ پائے جس سے بدلہ دے سکے تو اس کی تعریف کر دے، کیونکہ جب وہ اس کی تعریف کرے گا وہ اس کا شکر ادا کرے گا، اگر اس کے احسان کو چھپائے گا تو ناشکری کرے گا۔ اور جس نے اپنی وہ صفت بیان کی جو اس میں نہیں ہے تو وہ ایسا ہے گویا کہ اس نے جھوٹ کے دو کپڑے پہن لیے ہیں۔“ [صحيح الادب المفرد/حدیث: 157]