عائشہ رضی اللہ عنہا بیان کرتی ہیں کہ جب نبی صلی ‌اللہ ‌علیہ ‌وآلہ ‌وسلم آسمان پر بادل دیکھتے تو آپ صلی ‌اللہ ‌علیہ ‌وآلہ ‌وسلم اپنا کام کاج چھوڑ کر اس کی طرف متوجہ ہو جاتے اور دعا فرماتے: «اللَّهُمَّ إِنِّي أَعُوذُ بِكَ مِنْ شَرِّ مَا فِيهِ» ”اے اللہ! میں اس میں موجود شر سے تیری پناہ چاہتا ہوں“، اگر وہ اسے دور کر دیتا تو آپ صلی ‌اللہ ‌علیہ ‌وآلہ ‌وسلم اللہ کی حمد و ثنا بیان کرتے، اور اگر بارش ہوتی تو آپ صلی ‌اللہ ‌علیہ ‌وآلہ ‌وسلم دعا فرماتے: «اللَّهُمَّ صَيِّبًا نَافِعًا» ”اے اللہ! ہمیں نفع مند سیرابی عطا فرما“۔ ابوداؤد، نسائی، ابن ماجہ اور شافعی، اور الفاظ امام شافعی رحمہ اللہ کے ہیں۔ (صحیح) [مشكوة المصابيح/كتاب الصلاة/حدیث: 1520]