ابن جریج، ابن ابی ملیکہ سے اور وہ ام سلمہ رضی اللہ عنہا سے روایت کرتے ہیں، انہوں نے فرمایا: رسول اللہ صلی ‌اللہ ‌علیہ ‌وآلہ ‌وسلم اپنی قراءت ٹھہر ٹھہر کر کیا کرتے تھے، آپ ” « ﴿الْحَمْدُ لِلَّهِ رَبِّ الْعَالَمِينَ﴾ » [سورة الفاتحة: 2] “ پڑھتے، پھر وقف فرماتے، پھر ” « ﴿الرَّحْمَنِ الرَّحِيمِ﴾ » [سورة الفاتحة: 3] “ پڑھتے، پھر وقف فرماتے تھے۔ ترمذی، اور انہوں نے فرمایا: اس کی سند متصل نہیں، کیونکہ لیث نے یہ حدیث ابن ابی ملیکہ عن یعلی بن مملک عن ام سلمہ رضی اللہ عنہا کی سند سے روایت کی ہے، اور لیث کی حدیث زیادہ صحیح ہے۔ سندہ ضعیف۔ [مشكوة المصابيح/كتاب فضائل القرآن/حدیث: 2205]