جابر رضی اللہ عنہ بیان کرتے ہیں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ”جو شخص اذان سن کر یہ دعا پڑھے: «اللَّهُمَّ رَبَّ هَذِهِ الدَّعْوَةِ التَّامَّةِ، وَالصَّلَاةِ الْقَائِمَةِ، آتِ مُحَمَّدًا الْوَسِيلَةَ وَالْفَضِيلَةَ، وَابْعَثْهُ مَقَامًا مَحْمُودًا الَّذِي وَعَدْتَهُ» ”اے اللہ! اس دعوتِ کامل اور قائم ہونے والی نماز کے رب! محمد صلی ‌اللہ ‌علیہ ‌وآلہ ‌وسلم کو وسیلہ اور فضیلت عطا فرما، اور انہیں مقامِ محمود پر فائز فرما، جس کا تو نے ان سے وعدہ فرمایا ہے“ تو اس کے لیے روزِ قیامت میری شفاعت واجب ہو جائے گی۔“ رواہ البخاری۔ [مشكوة المصابيح/كتاب الصلاة/حدیث: 659]