طلحہ بن عبید اللہ کے کسی بیٹے نے بیان کیا میں عمر بن عبد العزیز رحمہ اللہ کے پاس تھا کہ ان کے ہاں ابو بردہ بن ابو موسیٰ اشعری رضی اللہ عنہ تشریف لائے اور انہوں نے اپنے باپ کے واسطہ سے رسول اللہ صلی اللہ علیہ وسلم سے احادیث بیان کیں تو عمر بن عبد العزیز رحمہ اللہ نے کاغذ اور دوات منگوا کر ان احادیث کو لکھا اور ان احادیث میں یہ حدیث بھی تھی کہ ابو بردہ نے کہا، مجھے میرے باپ نے بیان کیا، انہوں نے کہا، میں نے رسول اللہ صلی اللہ علیہ وسلم کو فرماتے سنا: ”میری امت پر اللہ کی رحمت ہے اس کا عذاب دنیا میں (فتنوں وغیرہ کی شکل میں) ہے جب قیامت کا دن ہوگا تو دیگر ادیان کو مانے والے لائے جائیں گے، اور اللہ تعالی ہر آدمی کو ایک (کافر) آدمی دیں گے اور ان سے کہا جائے گا یہ تیرے بدلے آگ میں جائے گا۔“ [مسند عمر بن عبد العزيز/عمر بن عبد العزيز عن أبي بردة/حدیث: 63]